Nesta madrugada ás tres foron as dúas, entrando no "horario de inverno". En marzo de 2019 volveremos mudar a hora para entrar no "horario de verán" e no outono os distintos estados da UE optarán por facer ou non outro cambio, para regresar ao horario de inverno. Con todo, a presidencia rotatoria da UE suxire adiar a decisión ata o ano 2021.
No primeiro trimestre do ano naceron 4.052 nenos e nenas, un 8% menos que no mesmo período de 2017, que foi o ano cunha menor taxa de natalidade na historia. O treito de idade entre os 35 e os 39 anos é xa o máis habitual para que as mulleres galegas teñan fillos
O tribunal declara conformes a Dereito as resolucións da Xunta que cancelaron a iniciativa megamineira ante as intencións da multinacional de que se declarase aprobada por silencio administrativo e confirma a súa insuficiente acreditación de solvencia técnica e económica.
Profesionais da Radio Galega e da TVG reivindican o "servizo público" que supoñen ambos medios no 23º venres negro. "O guión do futuro da CRTVG escribímolo nós", aseguran logo de celebrar a "vitoria" que din que supuxo o arquivo do expediente a Tati Moyano.
NOTA NECROLÓXICA | A señora dona Susana González Crespo faleceu o día 25 de Outubro do 2018 confortada co amor da súa xente e co esmerado coidado do persoal da Sanidade Pública, que ela sempre defendeu con paixón
Hai dous anos a CIG advertiu unha situación de "enchufismo" na adxudicación dunha praza na Escola de Restauración de Bens Culturais de Pontevedra. As súas denuncias levaron ao pronunciamento final do alto tribunal, que sinala a “desviación de poder", "torcida intencionalidade" e "ocultismo" na actuación da Xunta, que beneficiou a unha familiar de Susana López Abella, Secretaria Xeral de Igualdade.
O Tribunal Superior anula os servizos mínimos do 100% impostos na central telefónica do 061 por seren os mesmos que os que rexeron o 8M para o persoal médico ou de ambulancias sen "motivación" concreta ningunha
A Eurocámara pide a prohibición de grupos e organizacións neofascistas e de "calquera outra fundación ou asociación que exalte e glorifique o nazismo e o fascismo". O texto defende a exhumación de Franco e repara en casos como a denuncia imposta aos activistas que ocuparon Meirás.
O instituto público presenta por vez primeira os datos do seu barómetro segmentados por comunidades autónomas. Aínda que cunha enorme marxe de erro (superior a sete puntos), a proporción de persoas que sitúan o estado destes servizos entre as súas preocupacións duplica á media española
