Movementos sociais

O alumnado galardoado polo deseño e fabricación dun robot pretendía ampliar os seus coñecementos nunha disciplina específica, eliminada este curso pola escaseza de docentes. A mobilización do centro conseguira recuperar o reforzo na ESO pero non varias das optativas.

O paro comeza ás 15 horas e desenvólvese ata as 8 da mañá do mércores. Os sindicatos denuncian situacións de "precariedade laboral" e acusan o SERGAS de "irresponsabilidade" por non buscar unha solución ao conflito. A Consellería de Sanidade fixou uns servizos mínimos do 100%.

A parroquia do Cristo da Vitoria acolle este martes unha xuntanza para organizar a oposición social ao excesivo gasto na decoración e luces de nadal en Vigo, que este ano terá un custo de preto dun millón de euros. Denuncian que, mentres, os servizos sociais da cidade viven unha situación de colapso e recortes.

A organización xuvenil do BNG prendeu lume a un boneco coa fotografía do monarca nun acto reivindicativo a prol do dereito de autodeterminación celebrado este 12 de outubro en Compostela

O INE deu a coñecer as proxeccións demográficas para os vindeiros 15 anos, nos que Galicia podería perder case 150.000 habitantes, situándose por debaixo das cifras de poboación de 1940. Ademais, a idade media superaría os 50 anos e a porcentaxe de maiores de 65 anos chegará ao 31%

Nunhas xornadas celebradas este xoves en Pontevedra Ignacio Colmenares destacou que se pode satisfacer a actual demanda da industria pasteira mesmo diminuíndo a superficie ocupada por esta especie, sempre que se mellore a súa xestión. Porén, o Goberno galego prevé un incremento de 25.000 hectáreas nos vindeiros 20 anos.

Administración e UGT, CCOO e CIG pactan un acordo que pon fin á mobilización e á folga iniciada o 25 de xullo. O pacto supón a redución da xornada máxima e dos meses de garda, unha suba salarial progresiva, a flexibilización dos horarios ou medidas para a conciliación.