Mundo

A loita contra o cambio climático leva anos no centro da axenda política doméstica e internacional. Os esforzos para reducir as emisións de gases efecto invernadoiro adoitan poñer o foco na industria e o transporte pero deixan nun segundo plano o outro grande acaparador do consumo enerxético: a vivenda. Té con Gotas analízao con Aydin Dikerdem, do think tank británico New Economics Foundation, e con Elena Ampudia, decana do Colexio Oficial de Arquitectos de Galicia.

O PS segue sendo, con diferenza, a primeira forza municipal en Portugal. Pero o lixeiro retroceso en votos e, sobre todo, a perda da alcaldía de Lisboa, é interpretada como un toque de atención para a formación do primeiro ministro. No Porto, o independente Rui Moreira logra o seu terceiro e último mandato, pero perde a maioría absoluta. Nos concellos que comparten eurocidade con localidades galegas, o PS alarga o seu dominio ao retornar á alcaldía de Valença máis dunha década despois.

O 11-S de 2001, Lijó e Meixide ían presentar unha curtametraxe en Nova York. Neste 2021, VINTE lembra con eles o día que cambiou o mundo e amósanos o filme que ían presentar nesa mesa xornada e mais a curta documental que montaron coas imaxes gravadas naquela cidade en shock

Podemos Galicia ou as Xuventudes Socialistas reclámanlle ao Goberno galego que poña en marcha os dispositivos do país para axudar as persoas que foxen dos talibán. Varias comunidades e concellos xa ofreceron as súas infraestruturas