Mundo

Trump ignora a oposición e impón unha nova orde tutelada polas empresas estadounidenses

Os bombardeos en Venezuela e a detención ilegal de Maduro constitúen a última dunha lista de agresións dos EUA durante máis dun século na zona

Que vai pasar en Venezuela? De que xeito se vai facer compatible un goberno que seguirá sendo dirixido polo chavismo a través de Delcy Rodríguez coa pretensión de Washington de tutelar o país e, sobre todo, explotar o seu petróleo? Falamos co analista internacional Roberto Mansilla.

O Tribunal Supremo ordena que a vicepresidenta exerza como encargada a Presidencia na "ausencia forzada" de Maduro. Rodríguez, de quen Trump afirmou que se puxera "a disposición" de Washington, denuncia que os EUA buscan "a captura dos nosos recursos enerxéticos, minerais e naturais" e reclama que Venezuela non é unha "colonia".

En rolda de prensa, o presidente dos Estados Unidos ameaza cun segundo ataque militar "moito maior" se o Goberno de Caracas presenta resistencia. Trump anuncia tamén que se fará co negocio do petróleo en Venezuela, que posúe as meirandes reservas do planeta.

Falamos co analista internacional Roberto Mansilla sobre o ataque militar estadounidense desta madrugada en Caracas e outras cidades e o secuestro do presidente Nicolás Maduro. Fala da posibilidade de que existisen conversas previas con sectores do propio exército para unha sucesión no goberno do país. En todo caso, pide cautela ante a falta de información existente nestes momentos.