Mundo

O movemento estudantil chileno reactívase trala primeira marcha nacional do 2012. Cunha  pacífica e masiva participación, os estudantes volven ás rúas tras oito meses de manifestacións ininterrompidas durante o curso anterior. As demandas a prol dunha educación pública, gratuíta e de calidade gañan forza malia que o Goberno presentase este luns un novo proxecto de financiamento para a educación superior. Dita proposta substitúe o actual Crédito con Aval del Estado (CAE) por un sistema integrado no que o Estado rempraza aos bancos no seu rol de outorgar financiamento.

As previsións que vaticinaban unha alta abstención non se cumpriron. A participación rozou o 80%, moi cerca da colleitada hai cinco anos. Tampouco as que adiantaban una vitoria clara do candidato socialista Françoise Hollande. E menos as que nin facían sospeitar o resultado obtido finalmente pola Fronte Nacional de Marine Le Pen que, cun 19% de apoios, converteuse onte ademais de na terceira forza máis votada, na grande animadora para unha segunda volta que terá lugar o 6 de maio

Este domingo  Francia celebra a primeira volta das súas eleccións presidenciais nun contexto de atomización política e coa eventual perspectiva dun cambio de goberno. Paralelamente, estes comicios son relevantes para dirimir a actual xeopolítica europea. Un texto do IGADI (www.igadi.org)

A Front de Gauche apela ao «voto útil» fronte a ultradereita de Marine Le Pen coa intención de acadar máis forza coa que presionar ao Partido Socialista. Hollande camiña paso firme cara a vitoria o domingo, segundo as sondaxes.

A existencia dun cárcere secreto da CIA en Polonia, onde foron detidos ilegalmente e torturados presuntos terroristas islamitas, provocou unha tormenta política no país centroeuropeo. O Goberno de centrodereita de Donald Tusk desmentiu até agora as afirmacións do Consello de Europa. Pero en agosto de 2008 a xustiza polaca iniciou unha investigación e en outubro de 2010, a fiscalía revelou que un detido de Guantánamo, o saudita Abd ao Rahim ao Nashiri, fora trasladado a Polonia e detido e interrogado por axentes dos servizos secretos estadounidenses. Unha crónica de Correo Diplomático.

Silenciada e escasamente atendida polos mass media, a peculiar revolución popular que vive Islandia a resultas da crise financeira de 2008 desenvolveuse a través dunha masiva e pacífica rebelión cidadá destinada a reconducir os poderes públicos nacionais e sanear a súa economía mediante a nacionalización do seu sistema financeiro, a negativa a pagar a débeda externa e a vontade de reescribir a Constitución nacional.