O 11 de novembro terán lugar ao mediodía concentracións e manifestacións convocadas polos sindicatos. E pola tarde, ao redor das 18 horas, están convocadas manifestacións unitarias nas cidades galegas, impulsadas por todas as organizacións e colectivos que apoian a folga
Sindicatos laborais e entidades pola vivenda reciben o apoio de organizacións veciñais, ecoloxistas, agrarias, sanitarias ou de transporte. "O obxectivo é demostrar que quen sostemos este país tamén temos a forza para cambialo", destacan, nunha convocatoria que inclúe mesmo unha folga de consumo centrada na crítica ás grandes superficies e a defensa das tendas de barrio, ás que se busca implicar na mobilización.
No comité municipal de folga participan sindicatos, colectivos de vivenda, entidades xuvenís e outras asociacións de todo tipo. No acto presentáronse dúas ferramentas de difusión e organización: a páxina web do paro xeral e a aplicación Toka.
Nas últimas décadas foron moitas as folgas xerais convocadas en Galicia: máis ou menos unitarias, de 24 horas ou só de 2 ou 4 horas de duración, por motivos laborais e económicos ou por outras cuestións, coma as guerras en Iraq ou o xenocidio en Palestina. Repasamos algunhas destas convocatorias ás portas da folga xeral pola vivenda convocada para o vindeiro 11 de novembro
Só entre xaneiro e agosto participaron en folgas laborais en Galicia máis traballadores e traballadoras que nos 12 meses de todos os anos dende o 2009. Os case 50 mil participantes en folgas no que levamos de ano multiplican por oito as cifras de 2025. Galicia é o segundo territorio con maior incidencia dos paros laborais, só por detrás de Euskadi
A indignación pola crise de acceso á vivenda provocou un clamor cidadán en demanda de solucións pero tamén dun paro que levaban tempo reclamando os sindicatos de inquilinas. As principais organizacións sindicais de clase (CCOO, UGT e CIG pero tamén LAB, ELA, CGT ou a CUT) atenderon a petición e convocan a sociedade a parar para "acabar coa especulación da vivenda" e ter "salarios dignos".
A Confederación Intersindical Galega apunta á primeira semana de novembro para un paro xeral que, resaltan, atende os mesmos obxectivos que a súa campaña para que "sexa o capital o que asuma as consecuencias da actual carestía da vida e en demanda dunha vida digna para a maioría social"
Os dous sindicatos atenden a demanda da rúa nas grandes manifestacións da fin de semana e anuncian un paro neste outono, coa data aínda por concretar. A CIG, que apoia as mobilizacións pola crise habitacional, prevé aclarar a súa postura este martes.