Os peches perimetrais manteñen excepcións laborais ou médicas e para mercar produtos básicos que non haxa no propio concello, mais tamén para cazar. As persoas que vivan soas poden xuntarse cunha "única unidade de convivencia" e as parellas que residan en domicilios diferentes tamén poden reunirse
O Sergas recolocou a ex-presidenta do Porto de Vilagarcía, directiva do PP de Vigo, nunha praza creada para ela hai un mes que lle permitiu vacinarse contra a COVID. No Hospital da Mariña, a denuncia da CIG sobre a vacinación de membros da dirección do centro foi respondida polo Sergas argumentando que tiñan contacto con persoas que poden estar infectadas
O pasado 15 de decembro, momento en que comezou a incrementarse o número de casos de coronavirus, case un terzo dos concellos levan cando menos 14 días sen rexistrar ningunha infección. Os desprazamentos e as reunións sociais do nadal espallaron o coronavirus por toda Galicia.
Tras rexistrar ata 27 novos falecementos, tres deles da última xornada, o total chega aos 1.649 e a media diaria de mortes da última semana rolda as 15. Despois de superar o pico de hospitalización total da primeira vaga, está a piques de suceder o mesmo coa ocupación máxima das UCI mentres o Sergas acumula dúas semanas sumando cada día máis de mil novos casos
As tres deputacións gobernadas por PSdeG e BNG propoñen que cada administración achegue o 1% do seu orzamento a un fondo de rescate que chegaría aos 140 millóns, unha medida que apoia a Fegamp pero que rexeita a Xunta.
O proxecto de investigación CovidBens amosa que o aumento de infeccións da terceira onda comezou a mediados de decembro e reivindícase como "alerta temperá" de novos gromos. A estación depuradora, que sinala que na comarca hai case 8.000 casos activos, publicará cada semana os datos da presenza do SARS-CoV-2 na cidade e a súa área metropolitana.
Profesionais advirten da elevada "carga burocrática" que supón o seguimento dos casos de COVID nuns centros de saúde que sofren a falta de recursos e o incremento na atención de problemas psicolóxicos entre os pacientes.
As tres universidades retomarán as clases a través de internet o 8 de febreiro, inicialmente por unha semana. Como no conxunto de Galicia, o número de positivos "activos" ligados aos centros de ensino aumentou en maior medida tras o Nadal
Feijóo anuncia as novas restricións fronte ao coronavirus para un período "mínimo" de tres semanas e pide limitar as saídas dos domicilios ao imprescindible, a xeito de "autoconfinamento". Todos os concellos pasan a estar baixo peche perimetral dende o mércores, 27 de xaneiro
Galicia xa supera o pico de hospitalización da primeira vaga con 1.154 ingresos. Sanidade rexistra 1.402 novos casos, máis de mil por décimo terceira xornada consecutiva, e unha media diaria superior ás 12 mortes. Os concellos sen novos casos en dúas semanas son menos de 20 e o incremento da incidencia modérase, pero lonxe de indicar que o coronavirus frea de xeito significativo
A familia da muller falecida non soubo da súa morte e do funeral celebrado en Xove por mor da identificación errónea ata dez días despois, cando a anciá que se recuperou foi trasladada de volta á súa residencia de orixe. A Fundación San Rosendo, propietaria de ambos centros, subliña que estes feitos de "gravidade" non teñen "precedentes" entre "os máis de cen traslados que se realizaron dende o pasado decembro"
As 1.066 persoas ingresadas por mor da COVID-19 son 99 máis que un día antes, o maior incremento nun día dende o 28 de marzo, e supoñen estar a piques de alcanzar o pico de hospitalización da primeira vaga. O Sergas suma outros 1.528 novos casos da COVID e as mortes xa son máis de 1.600. As incidencias acumuladas a 14 e a 7 días seguen empeorando, pero o seu ritmo de incremento é menor que na semana previa por primeira vez dende decembro