Os paros, cun seguimento do 80%, volveron alterar a programación habitual nos medios públicos. A Corporación ofreceu ao comité abrir mesas de negociación se antes desconvocaba os paro nunhas conversas que finalizaron sen acordo.
O comité cifra no 80% o seguimento da primeira xornada dos paros que leva a cabo o persoal da CRTVG "contra o desmantelamento e a manipulación" e amosa a súa "satisfacción" pola resposta dos traballadores.
O persoal dos medios públicos está chamado a paros parciais e dúas horas e a 24 horas de folga o 19 de decembro. As negociacións dos servizos mínimos estiveron marcadas polas recentes sentenzas nas que o TSXG acreditou que a CRTVG vulnerou o dereito a secundar a folga feminista do 8M
Fontes consultadas por Praza.gal confirman que o expediente a Carlos Jiménez se basea na suposta falta de "compatibilidade" do seu traballo na CRTVG coa locución nun programa dunha produtora que emite a propia Televisión de Galicia. O persoal mobilizado ve unha nova "represalia" contra as protestas
Uns 900 traballadores están chamados aos paros parciais de dúas horas por quenda que dan inicio o día 20 e ao de 24 horas do 19 de decembro para reivindicar o remate da externalización da produción, mellores condicións laborais ou a fin da "política represiva" nos medios públicos
Os traballadores da corporación cumpren case seis meses de protestas a poucos días da primeira xornada dos paros convocados durante os meses de novembro e decembro.
A asemblea de traballadores aprobou a proposta do comité intercentros para levar a cabo paros de dúas horas por quenda durante sete días e un de 24 horas o 19 de decembro, data na que tamén se celebrará unha manifestación
Persoal da CRTVG denuncia a "morte do servizo público" na 24ª xornada de mobilización poucas horas despois de que o director xeral da Corporación asegurase no Parlamento que a información será "o último que lles quede" aos medios públicos.
Profesionais da Radio Galega e da TVG reivindican o "servizo público" que supoñen ambos medios no 23º venres negro. "O guión do futuro da CRTVG escribímolo nós", aseguran logo de celebrar a "vitoria" que din que supuxo o arquivo do expediente a Tati Moyano.
A dirección dos medios públicos pecha o proceso sancionador contra Tati Moyano entre críticas á vaga de solidariedade coa xornalista, que encadra nun "xuízo mediático e político". Cinco días despois da gala contra o cancro na que a xornalista aludiu ás protestas dos venres negros expedientárona esgrimindo "indicios" de que se maquillara na TVG para presentala
"O Consello de Informativos serviría para denunciar, por exemplo, o ninguneo á polémica política polas palabras de Feijóo na benvida d'A derradeira leición do mestre", subliña o persoal mobilizado para ilustrar as súas reivindicacións de cumprimento íntegro da lei de medios do 2011
O director xeral, Sánchez Izquierdo, asegura que Feijóo non lle ten "dito nunca nada" sobre o tratamento das informacións e que "nunca llo aceptaría" e négase a darlle detalles á oposición sobre o expediente aberto a Beatriz Moyano. O persoal mobilizado protesta por 19ª semana consecutiva.