Comprobouse como a percepción sobre o estándar que teñen os falantes de galego e brasileiro é moi semellante en varios puntos. Púidose medir a sensación, maioritaria nos dous grupos, de que a norma está demasiado afastada da lingua en uso no día a día. Unha impresión, ademais, que provoca un certo malestar e pode xerar inseguridades lingüísticas na práctica
Estímase que en Galicia entre 1936 e 1939 morreron vítimas da represión aproximadamente unhas catro mil setecentas persoas e, delas, o dous por cento eran mulleres. As mulleres, polo xeral, padeceron outro tipo de represión, unha violencia sexuada en tanto que estaba dirixida especificamente a elas polo seu xénero e que é moi difícil de cuantificar
Os galegos asentados nos Estados Unidos adoitan ser galegofalantes, mais estudaron o castelán nas escolas dunha sociedade diglósica. Este substrato lingüístico, ao entrar en contacto co inglés, dá lugar a unha serie de realizacións na fala que xa Castelao documentou en 1930.
A mercantilización do desexo transformou a sexualidade nun produto de consumo e, dentro deste marco, fenómenos como a pornografía, a prostitución ou a proliferación de plataformas como OnlyFans representan a última expresión desta falsa liberación sexual
Non é posible falar dos horizontes futuros da cultura galega sen confrontar un presente marcado globalmente polo esgotamento do capitalismo neoliberal e por unha crise ecosocial de carácter sistémico
Para poder falar ben é preciso, en primeira instancia, poder falar, algo que as mulleres tiveron prohibido durante séculos, cando menos, desde que hai testemuños escritos. No decurso do ensaio As benfaladas, (Editorial Galaxia, 2024) reflexiónase sobre esta circunstancia e propóñense alternativas para acelerar o proceso de normalización equitativa e civilizador que supón respectar e propiciar o acceso da voz e do pensamento feminino á sociedade, entendido como necesidade perentoria para combater a violencia simbólica que padece.
Os efectos das TIC dependen do uso que se faga delas. Dado que os nosos menores interactuarán coa tecnoloxía ao longo de toda a súa vida, é a nosa responsabilidade proporcionarlles a formación e as ferramentas para que a utilicen de maneira saudable
A fundación do Consello de Galiza tivo lugar en 1944. A súa lexitimidade derivaba do plebiscito de xuño de 1936, de cuxa vontade política o futuro Consello de Galiza sería unha institución “fideicomisaria”. Aquel acto foi o punto de chegada dun longo proceso que comezara na Asemblea das Irmandades da Fala celebrada en Lugo, en novembro de 1918, mais tamén o principio dunha nova andaina de defensa da autonomía de Galicia, que embocaría na aprobación dun novo Estatuto de Autonomía.
Neste ensaio centrarémonos no deseño feminista, realizado por mulleres na súa maioría, pero non exclusivamente. Queremos englobar unha mirada inclusiva dentro do mundo deseño como elemento de comunicación de valores, así como elemento educacional con capacidade para romper con roles concretos de xénero.
A lingua galega só chegaba á porta das escolas, pero as escolas impoñían os valados da españolización, aínda moi fortes anos despois da desaparición biolóxica do franquismo. A partir de 1975 recomezouse a propoñer a necesidade de incorporar a lingua galega ao espazo social, dándolle lexitimidade, e por iso, apuntando igualmente á necesidade da súa incorporación ao sistema educativo, baixo o reclamo Galego na escola. Antón Costa debulla a loita polo ensino en galego nos últimos anos da ditadura.
Falo galego orgulloso de falalo. Porque era a miña lingua mesmo antes de eu sabelo ou recoñecelo. Son neofalante, e, xa que logo, o meu galego é imperfecto. Porén, é meu. E, como me dixo un bo amigo, o único galego malo é o galego non falado.
O estudo da historia é sempre unha magnífica fonte de aprendizaxe e, por suposto, a historia da farmacia non é ningunha excepción. Con estas premisas realízase o presente estudo onde se analizan as orixes de Zeltia, buque insignia da industria farmacéutica galega. Unha empresa que nace tras a fractura do Instituto Bio-Químico Miguel Servet e nun contexto social e político extraordinariamente complexo: o final da Guerra Civil española e o comezo da Segunda Guerra Mundial.