"O coñecemento e a experiencia das comunidades locais teñen que formar parte das políticas públicas contra o fogo, que deben ser de abaixo a arriba e non ao revés", di unha das autoras de Lume. Análise social dos incendios forestais, que vén de publicar Xerais.
Tres días despois de que o PP rexeitase no Parlamento ampliar a data límite das solicitudes, fixada para este martes 30 de setembro, o presidente admite o "complicado" de reunir a documentación necesaria e dá un mes máis
O presidente da Xunta rubrica a 'Declaración de la Región de Murcia' coa promesa de "elaborar e implantar un plan integral para o sector forestal" canda o resto de autonomías con gobernos do PP. O documento, que en materia migratoria concreta o xiro do partido cara a posición ata agora explicitadas por Vox, sinala a caza entre as actividades no monte "aliadas para combater o cambio climático e a prevención de incendios"
A comisión solicitada polo BNG recibe o apoio de PSdeG e DO, pero decae polo "non" da maioría absoluta dos populares, que descualifican a petición como "linchamento" ou "xeito noxento de entender a política". "Vemos que ao PP lle importa un bledo que arda este país", lamenta Ana Pontón, que reprocha a "frivolidade" do partido que sustenta ao Goberno tras unha "catástrofe" que non foi produto "da mala sorte", senón de "décadas de abandono do rural e dunha política forestal fracasada"
Nos últimos 15 anos máis de 112 mil hectáreas de terreo dos espazos naturais protexidos de Galicia foron queimadas nos incendios forestais, un 30% da súa superficie total. Ademais do dano no Macizo Central, destaca o perdido no Bidueiral de Montederramo, Pena Veidosa, Pena Maseira, Baixa Limia, Carnota - Monte Pindo e Pena Trevinca. Galicia é a comunidade autónoma con menor superficie protexida.
Nunha das súas medidas estrela contra os incendios, Rueda anunciou que o Goberno galego encargarase de limpar as faixas secundarias nos municipios de menos de 10.000 habitantes. En 2012, unha reforma do executivo Feijóo pasou esta competencia da Xunta ás administracións locais.
O incendio da Ribeira Sacra arrasa 2.000 hectáreas, declarado no concello de Pantón tamén afecta ao de Sober. Permanece activo o lume na Fonsagrada e Medio Rural dá por estabilizado o do concello ourensán do Bolo
37.819 hectáreas de terreo queimáronse nos espazos da Rede Natura 2000, segundo os datos tirados por Adega dos satélites do proxecto europeo Copérnicus. No que levamos de século, tan só en 2011 a superficie queimada en espazos protexidos (10.949 ha) aproximouse, aínda que de lonxe, á deste ano
En 2020 o Goberno de Feijóo anunciou por primeira vez unha nova lei de incendios para remudar a elaborada en 2007 polo Goberno de PSdeG e BNG, a primeira da historia da autonomía que xa acumula once reformas. Medio Rural chegou a presentar un anteproxecto en 2023 que canda novas medidas como un "mapa dinámico" de riscos de lume ou novas accións forestais incluía a prohibición da "difusión de feitos ou datos falsos en relación cos incendios forestais". O PP volveuna incluír no seu programa para as eleccións de 2024
Medio Rural deu o lume por controlado este martes, cando arderan unhas 140 hectáreas. O traballador máis afectado ten a cuarta parte do corpo queimada e padece ademais unha intoxicación por fume
