O secretario xeral do PSdeG propón unha declaración institucional que reclama "o cesamento das hostilidades" tras o ataque dos EUA e Israel a Irán e defende a posición do Goberno de España ao respecto. O texto reclama "respecto ao dereito internacional", expresa "solidariedade coas vítimas civís" e tamén apoia o envío dunha fragata a Chipre "para contribuír á defensa e á estabilidade da zona"
En apenas unha semana o prezo medio da gasolina aumentou uns dez céntimos por litro nas estacións de servizo galegas e o gasóleo, case vinte. Catro anos despois de medidas como a subvención de 20 céntimos por litro de combustible ou os trens de balde para paliar as consecuencias económicas da invasión rusa en Ucraína, Sánchez avanza que prevé aplicar accións "económicas" ante a posibilidade de que a guerra en Irán sexa "longa"
O chanceler alemán compartiu as críticas do presidente dos EUA ao baixo orzamento militar español mentres poucos países da Unión demandan priorizar a diplomacia. A Comisión, o presidente do Consello e Francia defenden que o Goberno español non pode sufrir represalias de Washington por non permitir utilizar as bases de Andalucía para atacar Irán
Os ataques estadounidenses e israelís contra Irán chegan ao seu sexto día, con máis dun milleiro de mortes e unha escalada que afecta a varios países e que ameaza con provocar unha crise enerxéctica e económica global. Falamos con Susana Mangana Porteiro, investigadora e docente na Universidade Deusto de Bilbao. Criada en Arrasate (Guipúscoa) pero de ascendencia galega, Mangana colabora co Instituto Galego de Análise e Documentación Internacional (IGADI).
Hai agora 23 anos a esfera política galega fervía en protestas contar a xestión da catástrofe do Prestige: o clamor subiu uns cantos decibeles cando confluíu coa oposición á participación do Goberno de España na invasión de Iraq. A presión na rúa foi lembrada durante moitos anos como especialmente traumática para o PP, tamén para o círculo dirixente dun Feijóo que agora responde o "non á guerra" de Sánchez con posturas moi semellantes ás dos populares naquel 2003
O presidente asegura que o seu executivo "traballa coa posibilidade" de que a de Irán sexa unha guerra longa" e prepara "medidas económicas"
Voces expertas subliñan que "o gran gañador" dos efectos desta guerra no mercado enerxético son Donald Trump e os produtores estadounidenses de gas e advirten: "Cantas crises precisamos para darnos conta? Debemos reducir a dependencia de combustibles de terceiros países e apostar polas renovables"
Pontón nega que o ataque dos EUA e Israel a Irán "defenda nin a democracia nin ás mulleres, nin ningún tipo de avance social"": "Só buscan o control xeopolítico e dos recursos petroleiros"
A televisión pública iraniana confirmou na mañá deste domingo a morte do líder supremo, o aiatolá Alí Khamenei nos bombardeos de Estados Unidos e Israel contra a República Islámica.
O Exército israelí, que inicialmente informou dun "ataque preventivo", sinalou posteriormente que a ofensiva se produciu contra "decenas de obxectivos militares e levouse a cabo como parte dunha ampla operación conxunta e coordinada contra o réxime".