Galicia rexistra o nivel de inflación máis alto de todo o Estado, por diante de Castela e León, Madrid e Castela-A Mancha (4,7%) e case un punto por riba de Asturias, Cataluña ou Andalucía. O gran detonante desta nova crise de prezos é o incremento do custo do petróleo, que este martes rolda os 108 dólares por barril, o nivel máis elevado dende maio
Os expertos cren que a guerra no Golfo podería estenderse ata o próximo ano, unha noticia fatídica para os prezos da enerxía
O acordo anunciouse apenas hora e media antes da fin do ultimatum lanzado por Washington, que acepta negociar un tratado permanente de paz a partir da proposta de 10 puntos presentada por Teherán. O “paso seguro” polo Estreito de Ormuz deberá coordinarse coas autoridades iranianas, o que supón un recoñecemento da autoridade de Irán sobre este espazo
Os nacionalistas ven "unha broma de mal gusto" que o PP "só dispoña 6,2 millóns para apoiar aos fogares vulnerables" e propoñen un plan de 700 millóns
A diferenza no prezo da electricidade entre a Península e a maior parte de Europa, onde o custo da luz se está a disparar, explícase pola aposta de España e Portugal polo uso de fontes renovables para a produción eléctrica e a súa cada vez menor dependencia das importacións de gas fósil. Falamos con Xosé Veiras (OGACLI), que reclama "un pacto político e social amplo sobre o desenvolvemento das renovables" e a electrificación da economía.
O Goberno galego aproba "reordenar liñas" de financiamento do Instituto Galego de Promoción Económica nun plan que cifra en 157 millóns con axudas económicas a agro e pesca ou achegas para eficiencia enerxética das que non especifica se xa estaban previstas ou son fondos novos. Nun apartado de "apoio a familias" cita unha "axilización" no pagamento de subsidios existentes como a Risga e unha nova compensación ás empresas de buses con contratos de transporte escolar
O presidente do Goberno de España volve "esixir que a guerra pare" e advirte da inxustiza de que "uns incendien o mundo e os demais teñamos que tragar as súas cinzas". Entre lembranzas ao papel do Executivo de Aznar en Iraq, rexeita complicidade con "agresións ilegais" e "mentiras disfrazadas de verdade": "Non esta vez, non mentres eu sexa presidente". Feijóo asume agora o "non á guerra" sumado a un "non a vostede" contra Sánchez, a quen nega o pacifismo e descualifica como traidor
Tras semanas de críticas do PP ao Goberno de España por "forrarse" co IVE dos combustibles, a metade do cal vai ás comunidades, agora a Xunta lamenta as medidas estatais contra a crise por reducir eses ingresos e non propón aínda outras alternativas
O Consello de Ministros acorda un paquete de 80 medidas para reducir o impacto do conflito en Oriente Próximo e acorda dividir as medidas en dous decretos para resolver o desacordo entre PSOE e Sumar.
Dende o 28 de febreiro o litro de gasóleo agrícola encareceuse un 32%, máis aínda que o do Gasóleo A ou a Gasolina 95. Produtores agrícolas e gandeiros, o mesmo que os sindicatos do sector, veñen alertando destas subas, que cualifican de "especulativas" e esixen das distintas administracións medidas que axuden a paliar a suba dos seus custos de produción
Dende o inicio dos ataques de Estados Unidos e Israel contra Irán o pasado 28 de febreiro, hai case dúas semanas, o prezo da Gasolina 95 elevouse máis dun 13% en Galicia, chegando xa aos 1,70 euros de media, e o do Gasóleo A fíxoo en máis dun 25%, ata case o 1,85 euros. Este xoves 12 de marzo a diferenza entre a gasolineira máis cara e a máis barata de Galicia superaba xa os 40 céntimos por litro na Gasolina 95 e os 54 céntimos por litro no Gasóleo A.