O Goberno español remitiulle un comunicado aos medios estranxeiros concretando, por exemplo, que prevé recadar 22.100 millóns de euros coa suba do IVE ou o montante exacto da tesoirada na Lei de Dependencia ou que aínda terá que aplicar un novo recorte de máis de 8.000 millóns
O Goberno central rebaixa os complementos por incapacidade temporal das persoas que traballen ao servizo da Administración dun xeito case idéntico ao aplicado pola Xunta dende maio, aínda que menos rigoroso nos primeiros días de baixa
A reunión foi dobre, a primeira presidida polo rei, e á espera de coñecerse todos os detalles, confirmou as medidas adiantadas por Rajoy o mércores. Os funcionarios perden todos os días de libre disposición, agás tres. A suba do IVE entrará en vigor o 1 de setembro, e a dedución por compra de vivenda deixará de aplicarse o 1 de xaneiro. Boa parte dos produtos e servizos aos que se lles aplicaba o tipo reducido pasan a estar gravados polo tipo xeral.
As asociacións de consumidores alertan de que o incremento do imposto indirecto vai supor un freo na capacidade de compra dos fogares, o que para a meirande parte dos expertos suporá un freo á recuperación económica a curto prazo. Tamén criticaron a medida, que sitúa o IVE de España por riba da media da zona euro, os labregos, os autónomos e o sector turístico.
Rajoy xustifica na necesidade de "incentivar" a busca de traballo a tesoirada ao seguro de desemprego mentres o seu Goberno inza de atrancos o camiño para acceder ás prestacións da Lei de Dependencia
Feijóo defende a suba do IVE como a opción "menos mala" e argumenta que "cada español debe uns cartos polo feito de selo". Audio no interior.
Rajoy anuncia a supresión da paga de Nadal e a redución de días de libre disposición para os traballadores da Administración, que en Galicia aínda dixiren o recorte aplicado pola Xunta no inicio de 2012
Mariano Rajoy anuncia no Congreso un paquete de medidas que buscan obter 65 mil millóns de euros para reducir o déficit público, centrado no recorte das axudas sociais e no incremento dos impostos indirectos. O IVE sobe do 18 ao 21 por cento.
Galicia queda sen o 46% dos cartos que recibía do Ministerio de Sanidade para atención social primaria, unha rebaixa seis décimas superior que a media estatal. O Ministerio admite que o recorte vén provocado pola esixencia de reducir o déficit público.
