"Os Estados membros xa poden levar a cabo a observación de radionucleidos", di a Comisión Europea nunha nova resposta a eurodeputados do PP tras a primeira misión en décadas aos bidóns radioactivos realizada o pasado verán por Francia
A Comisión Europea asegura que supervisará os resultados da misión realizada este verán por Francia pero lembra que "o Tratado Euratom non confire o mandato de levar a cabo misións deste tipo ou actuar en augas internacionais"
O Goberno de España non responde ao Senado, a preguntas do BNG, sobre as súas actuacións a respecto dos residuos nucleares fronte a Galicia nin se fixo algunha xestión ante Francia ou organismos internacionais
A misión francesa Nodssum pecha a súa primeira expedición oceánica tras cartografar 3.355 barrís con refugallos nucleares a uns 650 quilómetros das costas da Coruña. Tras non detectaren "radioactividade moi significativa" sobre o terreo, o equipo disponse a abordar "medicións detalladas" no laboratorio de 5.000 litros de auga, 345 mostras dos fondos e 34 peixes e moluscos para obter un "diagnóstico máis fiable" sobre o eventual "espallamento" dos vertidos
Rueda di, ante os achados da misión francesa, que "os sucesivos gobernos centrais deberían ter monitorizados" os bidóns, pero admite que a Xunta non se interesou ao respecto ata agora malia que hai sete anos o Parlamento aprobou por unanimidade que pedise ao Goberno de España, presidido polo PP, xestionar coa UE e outros Estados "asegurar a vixilancia dos vertidos nucleares na Foxa Atlántica"
En resposta á Xunta, esta a autoridade administrativa do Estado volve evidenciar que só vixía a radioactividade nas augas costeiras e reitera que os niveis detectados nos tres puntos de mostraxe que ten en Galicia son adecuados. A expedición francesa Nodssum xa localizou uns 1.900 bidóns e segue extraendo sedimentos dos fondos mariños e mostras das augas próximas aos vertidos
Nas súas dúas primeiras semanas de expedición o proxecto francés Nodssum xa localizou máis de 1.800 bidóns a uns 500 quilómetros de Fisterra, nun punto onde entre 1977 e 1982 guindaron refugallos nucleares catro Estados europeos. O BNG reitera á Comisión Europea e ao Goberno de España a necesidade de elaboraren investigacións de seu. O PSdeG reclama ás autoridades comunitarias que lideren o control dos refugallos. O PP reacciona entre alusións á "sorpresa" e a petición de explicacións ao Executivo central
Oito países guindaron unhas 140.000 toneladas de residuos radioactivos á Foxa Atlántica ata 1982, cando conseguiu paralos a presión internacional na que foi clave a histórica expedición galega do Xurelo da man de Greenpeace. "Non é de recibo que teñamos que enterarnos pola prensa dun asunto tan sensible como a presenza de material potencialmente perigoso ante a nosa costa", dixo a conselleira de Medio Ambiente. Horas despois agregou que en realidade "a existencia dos bidóns fronte a Galicia é de sobra coñecida desde hai anos, tamén por min"
A agora deputada do PP no Congreso pide explicacións ao Goberno de España pola ausencia de vixilancia dos refugallos nucleares guindados á Foxa Atlántica, constatada en múltiplas ocasións mentres foi a responsable do departamento marítimo da Xunta. A ex-conselleira pregunta ao Executivo central se "activou algún protocolo de seguimento, verificación ou prevención" ante o que denomina como "posible vertido histórico".
A misión Nodssum extraeu xa fauna e sedimentos dun dos puntos onde se ciscaron 140.000 toneladas de residuos nucleares entre 1949 e 1982 nunha iniciativa francesa logo de que España e a UE desatendesen a vixilancia duns restos que ninguén supervisou, como revelou Praza.gal en 2017
Praza.gal desvelou en 2017 que ninguén estaba a supervisar o estado de toneladas de bidóns radioactivos arroxados á Foxa Atlántica entre 1949 e 1982, un debate ao que o Centro Nacional da Investigación Científica (CNRS) francés quere achegar datos