Alberto Ramos

Roberto Varela tomará posesión o próximo 23 de abril como embaixador en Uruguai. O ex conselleiro de Cultura e Turismo, que apura as súas últimas semanas en Galicia, bota a vista atrás para Praza nunha ampla entrevista na que revisa a súa xestión, responde as críticas e as polémicas que o rodearon, fura na Cidade da Cultura e opina sobre os sectores culturais.

A tenda compostelá de Xosé Barreiro celebrará en maio o seu aniversario cun concerto de The Sweet Vandals en Capitol e cunha incursión no eido da edición, xa que coeditará -xunto a Demo- Castelao: O pobre tolo, libro de Inacio Vilariño e Iván Suárez que forma parte dunha serie de banda deseñada sobre o autor de Sempre en Galiza

O Garaxe Hermético. Así se chamará. O ilustrador Kiko da Silva collerá prestado o título do afamado cómic de ciencia ficción, creado por Moebius, falecido este sábado, para bautizar a que será a primeira escola profesional de banda deseñada e ilustración de Galicia. Situada en Pontevedra, a escola abrirá as súas portas a finais deste mes ou a comezos de abril.

"A banda deseñada sempre estivo en crise, estamos afeitos a que nunca haxa cartos. Coa crise, seguimos aguantando como estabamos a nivel empresarial". Así define a situación da banda deseñada galega o debuxante Kiko da Silva, un dos membros de BD Banda e director da revista Retranca, neste tempo de crise no que as industrias culturais afogan entre débedas, atrasos nos pagamentos da Xunta e tesoiradas que producen vertixe.

O próximo 9 de marzo cumpriranse dez anos da morte de Carlos Casares. A efeméride servirá para lembrar a un escritor cuxa relevancia cultural segue moi presente no país. Falamos con Kristina Berg, escritora, viúva do intelectual e presidenta da Fundación Carlos Casares.

Canle TV xa está en funcionamento. A nova videoteca en rede da Agadic abriu cunha selección de máis de 80 fitas e con preto de 45 tráilers de películas. Todas as producións recollidas son anteriores a 2009, ano no que se clausurou Flocos

Rubén Ruibal debulla para Praza as súas visións sobre o momento creativo do teatro galego, reivindica a figura de Vidal Bolaño, do que este ano farán dez anos do seu pasamento, e salienta o bo nivel dos autores dramáticos do país: Vanesa Sotelo, Fernando Epelde ou Santi Cortegoso. Video no interior.

O director Jorge Coira levará ao cine a obra teatral de Ruibal Limpeza de sangue. Os dous creadores falan con Praza da futura película, da crise, da corrupción e dos recortes en cultura da Xunta

O sector percibe que a política cultural seguirá a mesma liña con Anxo Lorenzo como secretario xeral e Jesús Vázquez como conselleiro. Os recortes seguirán a ser a tónica xeral nos poucos meses que quedan de lexislatura

O director iniciou en xaneiro a rodaxe de ‘Funes, o inventor da lúa’, unha fita que ten como pano de fondo aos inventores galegos

Fasero xustifica con problemas coa propiedade intelectual os atrasos na posta en marcha de Canle TV, espazo que substitúe a filmoteca virtual pechada pola Xunta hai máis dun ano.

O director Gonzalo E. Veloso cede a Praza Pública un fragmento da gravación na que o intelectual lembra o homenaxeado nas Letras Galegas 2012. Mira o vídeo no interior.