David Lombao

O PP utiliza a figura da proposición non de lei, encamiñada a instar a Xunta a tomar medidas, para instar o Goberno de Venezuela a cumprir a súa constitución.

O presidente da Xunta reclama, nunha resposta ao BNG, que "non empecemos a enganar a xente outra vez" porque "a alternativa non é o traslado", senón o peche, e censura que o Concello pontevedrés recolla premios en Dubai e Nova York.

As entidades organizadoras da Feira da Primavera, no barrio compostelán de San Pedro, denuncian que a negativa do Concello de Santiago a proporcionar os enganches eléctricos que lles facilitou durante anos pon en risco a continuidade deste e doutros eventos autoxestionados.

Os populares comezan a tramitar en solitario a súa reforma do Consello de Contas, que lle atribuirá ao ente competencias de "prevención" das prácticas corruptas pero non máis medios. A oposición ve no texto unha manobra "propagandística" de precampaña.

A apertura do Hospital Lucus Augusti foi un dos argumentos do PP na campaña municipal de 2011. Catro anos despois o complexo lucense tornou nunha das grandes dores de cabeza dos populares, que botan man do hospital de Vigo como baza sanitaria para o 24-M.

Os investigadores detectan unha rede de presunto "tráfico de influencias" no Concello canalizado a través do tenente de alcalde. A información atopada nos ordenadores municipais amosan o intercambio de currículos, recomendacións e agradecementos.

O Bloque reivindica o modelo dos concellos que goberna nun encontro nacional cun milleiro de persoas co que se lanza á carreira electoral do 24-M

Na súa primeira campaña local á fronte do partido o líder socialista leva percorrida unha trintena de localidades no que vai de mes. Na convención do PSdeG reivindica o seu partido como a forza "máis sólida" e erixe o PP no "partido antipersoa por excelencia".

Un informe de Vixilancia Aduaneira incluído no sumario da Pokémon indican que o actual candidato do PP en Ourense intermediou ante Julio Flores para procurar un posto de socorrista para a filla dun "gran defensor" do PP. A persoa recomendada logrou o traballo.

ENTREVISTA Xoán Bascuas, secretario xeral de Compromiso por Galicia, admite que, a priori, o local é o ámbito no que mellor se poden medir as forzas do partido, que se lanza á carreira do 24-M cunha convención nacional en Compostela. 

O BNG dá conta das súas propostas xunto a unha representación de Rosalía de Castro, As Marías, Xelmírez e Ánxel Casal. Compostela Aberta presentará a súa candidatura o vindeiro sábado cunha sesión vermú.

Pilar de Lara autoriza incorporar á investigación da trama datos de Facenda do alcalde da Coruña, do candidato do PP en Ourense e do presidente da Deputación coruñesa e di que a información dos ordenadores do consistorio ratifica a existencia dunha rede de enchufes.