A Xunta atendeu sete dependentes menos cada día no último ano
O sistema de atención á dependencia perde persoas beneficiarias dende a primavera de 2013, ano que por primeira vez rematou con menos dependentes atendidos que o anterior. Galicia é a cuarta autonomía co maior descenso nas axudas.
"Expulsada" dun campamento infantil na Coruña por ter diversidade funcional
A familia dunha nena con necesidades educativas especiais disponse a denunciar o gabinete de Carlos Negreira por impedirlle participar nunha actividade municipal que en anos anteriores contaba con monitores de apoio. O BNG local censura que a concellaría que "gasta 3,56 millóns en festas" relee a contratación deste persoal.
Audasa reduce persoal a niveis de hai 20 anos malia recadar un 170% máis
Autopistas del Atlántico pechou 2013 co cadro de persoal máis reducido dende a apertura do trazado entre A Coruña e Vigo. Mentres, prevé seguir instalando as cabinas de cobro automático que favorecen os atascos.
Galicia, refén de Audasa ata 2048
O 18 de agosto de dentro de trinta e catro anos finaliza o período concesional da AP-9, que acumula indignación cidadá mentres ingresa uns 300.000 euros diarios en peaxes. Repasamos a historia da principal vía de comunicación terrestre do país e da súa concesionaria. Infografía no interior
A Xunta aumenta os cartos para colexios que segregan por sexo grazas á Lei Wert
Unha orde ditada en pleno agosto devólvelles a parte de financiamento público que perderan estes centros do Opus, agora protexidos pola lexislación educativa, que non ve discriminación en separar os alumnos das alumnas.
Alberto Ramos, cinema e xornalismo para o premio García Barros
O escritor e xornalista gaña o premio literario convocado polo Concello da Estrada con 'Máscaras rotas para Sebastian Nell', unha "narración dialogada" que a partir do seu protagonista, curtido no Hollywood dos 70 e 80, percorre boa parte da historia recente
Feijoo defende dar a medalla de Angrois o 24 contra o criterio da veciñanza e parte das vítimas
O Goberno galego abre a porta a entregalle o galardón á asociación veciñal noutra xoranda pero o presidente defende que hai "un motivo máis que fundado" para que o acto oficial se celebre xusto no aniversario do sinistro, día para o que os colectivos de vítimas preparan actos de seu.
Sete euros do Goberno de España para cada menor galego en risco de pobreza
A Xunta recibe algo menos de 725.000 euros do fondo estatal para atender a pobreza infantil e amosa a súa disconformidade co criterio empregado para o reparto, pero non coa súa dotación económica. No ano 2012, utilizado como referencia, había en Galicia unhas 100.000 persoas menores de idade pobres no país.
Que fixeron os eurodeputados galegos ao chegar?
O popular Millán Mon estrea a lexislatura comunitaria cunha iniciativa sobre Rusia e Ucrania e Senra, de AGEe, faino reclamando unha renda básica universal europea. BNG e CxG tramitan tamén as súas primeiras achegas a través dos representantes de Bildu e do PNV.
A Xunta mantén que o galego é maioritario en Primaria e Bacharelato
O conselleiro de Educación asegura que o decreto do plurilingüismo logrou que o galego sexa o idioma da metade das materias en practicamente todo o sistema educativo, mesmo por riba da norma do bipartito. Jesús Vázquez afirma que no ensino infantil do rural chega ao 90% "porque no rural se fala galego".
Cando Weber escandalizou a Feijóo
O presidente da Xunta carga contra AGE por sinalar que o Estado se "reserva o exercicio da violencia" e acusa a coalición de exercer a "maior violencia que tivemos en trinta anos de democracia". O titular do Executivo mantén tamén, en resposta ao BNG, que Castelao "estaría de acordo comigo" en materia de política tributaria.
A Deputación de Ourense ten que devolver 10 millóns da UE por "irregularidades graves"
Baltar Blanco anuncia un recurso contra a resolución do Ministerio de Facenda que lle reclama á institución provincial as subvencións recibidas "indebidamente" para un plan de depuradoras investigado pola Oficina Europea de Loita contra a Fraude dende hai catro anos.