Marcos Pérez Pena

Libera entregou este venres no Parlamento os apoios recibidos á súa petición pública para actualizar a norma galega de protección, que data de 1993. O martes debaterase na cámara a toma en consideración dunha proposición de lei impulsada por AGE neste sentido. Falamos con Rubén Pérez Sueiras. 

Un informe elaborado polo Observatorio da Cultura Galega, do CCG, destaca que as mulleres len máis e tamén acoden en maior medida a bibliotecas, ao teatro e a concertos. Os homes, pola contra, realizan máis o seu consumo cultural a través da rede, ven máis a televisión e miran DVDs.

Magín Blanco última a gravación de Gatuxo, un novo álbum infantil que acompañará o espectáculo do mesmo nome, estreado hai unhas semanas en Pontevedra, e que continúa o éxito acadado por A nena e o grilo e A nena e o grilo nun barquiño, editados tras o accidente que en 2010 case o aparta da música.

Javier Espinosa, Ricardo García Vilanova e Marc Marginedas recibiron este mércores en Ferrol o premio José Couso, polo seu labor como reporteiros en zonas de conflito, un traballo cada vez peor pagado e con máis riscos polo que permaneceron secuestrados durante meses en Siria. Falamos con eles.

O pasado 21 de marzo Alberto Rendo, de Narón, protestou contra os elevados e crecentes prezos da AP9. Chegou á peaxe e comunicou que non tiña intención de pagar, polo que foi multado con 280 euros. Recolleu a súa acción en tres vídeos que publicou posteriormente e advirte de que continuará coa súa loita.

Prolingua lanza unha iniciativa para gravar video-selfies coa frase "Por min o galego terá mil primaveras máis", que conmemora ademais o 35 aniversario desta frase de Álvaro Cunqueiro.

Un estudo da Fundación Alternativas conclúe que o comportamento electoral das persoas sen emprego non é diferente do dos ocupados, descartando que castiguen co seu voto os partidos gobernantes, e só detecta unha menor participación. Falamos cun dos seus autores, Miguel Caínzos, profesor da USC.

A SGHN vén de presentar ante o Goberno central un novo escrito sobre o proxecto de Autovía A-57 (Pontevedra-Porriño), denunciando o malgasto de recursos nunha infraestrutura innecesaria, que se uniría á nova A-59 (Vilaboa-Peinador), á autovía A-55 (Vigo-Porriño) e á AP9, de pago.

A Plataforma Veciñal na Recuperación do Patrimonio Termal rexistrou un recurso de alzada dirixido á Consellaría de Industria polo proxecto de saneamento da burga Lume de Deus, unha das dúas termas de acceso público na localidade, un uso público que se vería ameazado.

Parten do caso de Arturo un neno con autismo escolarizado no CEIP Salgado Torres da Coruña, pero advirten que "é un máis dos moitos que últimamente se dan nos colexios públicos de Galicia e que están directamente relacionados coa diminución de orzamentos para a educación".

Ás habituais manifestacións convocadas polos sindicatos, que se prevén moi numerosas, únense outras mobilizacións dende este martes. O xoves, ademais, un grupo de cidadáns chaman a "rodear o Concello" durante todo o día para esixir medidas para paliar a difícil situación da comarca.

Alexis Tsipras, líder da coalición grega e candidato da esquerda europea a presidir a Comisión, protagoniza con Lidia Senra o acto político celebrado por AGE este domingo en Compostela, e no que tamén participaron Willy Meyer, José Soeiro (Bloco), Xosé Manuel Beiras e Yolanda Díaz.