Chega o primeiro gran dicionario inglés-galego
A obra, realizada polo Seminario de Lingüística Informática da Universidade de Vigo e publicada por 2.0 Editora, ten máis de vinte mil entradas e foi construída a partir dun corpus de traducións orixinal, sen pasar por outros dicionarios. Falamos co seu coordinador, Xavier Gómez Guinovart. Audio no interior.
Denuncian que España bloquea os plans europeos de aforro enerxético
Un informe de Friends of the Earth e Climate Action Network alerta de que case todos os países da UE están impedindo a aprobación dunha directiva que obrigaría a Europa a gastar un 20% menos de enerxía en 2020 e que impulsaría as alternativas aos combustibles fósiles
Os escuros negocios de Hidralia Energía en Guatemala
A empresa coruñesa Hidralia Energía, cun conflitivo pasado cheo de denuncias e condenas en Galicia pola actividade das súas minicentrais e centrais eólicas, a chamada trama enerxética, constrúe unha central hidroeléctrica no país centroamericano. A polémica ao redor do proxecto, moi criticado polas comunidades indíxenas da zona, creceu nas últimas semanas despois do asasinato dun líder opositor e a declaración do estado de sitio.
Optimus Primavera Sound: no ano dos rescates a xente quere bailar
A primeira edición da edición portuguesa do festival cumpriu as expectativas e pechouse cun certo relevo xeracional, co triunfo de M83, The Rapture, Black Lips ou Beach House e o éxito das propostas máis bailables.
"Compostela é unha cidade totalmente 'pop'. O ambiente de concertos é espectacular"
A Romaría Pop reúne o sábado 16 no parque compostelán de Belvís oito bandas galegas (Diadermin, Disco Las Palmeras!, La Familia, Mequetrefe, Músculo!, Sr. Fluzo, The Winning Numbers e Álex Casanova) que tocarán todo o día, dende a mañá até a noite. Ademais, haberá feira, rastauración, outras actividades culturais, xogos para os máis pequenos... Santiado DC é pop!
Un veciño de Ferrol denuncia que foi agredido pola policía na biblioteca municipal
Rexistrou unha denuncia, con parte de lesións, no xulgado de garda, afirmando que dous axentes municipais o agarraron e lle pegaron sen mediar provocación ou resistencia, despois de que na biblioteca lle comunicasen que non podía consultar Internet nos ordenadores do local.
Feijoo e Barcia aférranse á nova modificación do PXOM para asegurar a continuidade de Reganosa no interior da ría
O alcalde de Mugardos espera que a Xunta dea o seu visto bo ao novo plan para que a planta de gas manteña a súa localización e Feijoo asegura confiar en que iso será así. O Comité Cidadán asegura que a modificación necesita dunha Declaración de Impacto Ambiental que Reganosa non conseguirá, o que obrigaría ao seu peche.
Agustín Fernández Paz recibirá unha Homenaxe Nacional o 30 de xuño
Os acto, que se celebrará no Auditorio do Centro Social Novacaixagalicia de Vigo e será seguido por un xantar, está organizado pola plataforma cidadá ProLingua e será conducido por Rosa Aneiros. Os promotores salientan que a homenaxe quere ser un "acto de afecto á persoa" e tamén de "recoñecemento ao traballo que realiza Agustín".
"En Galicia existe tamén o consenso social para abolir as touradas, pero non se dá o político"
Helena Escoda é unha activista catalá moi implicada nos últimos anos na loita pola abolición das touradas en Catalunya. O 16 de xuño participará na Coruña, xunto con outros expertos, na Conferencia Internacional pola Abolición da Tauromaquia
"Reganosa xa non ten ningún papel, todas as autorizacións concedidas deben quedar anuladas"
As entidades veciñais, sociais e ecoloxistas que compoñen o Comité Cidadán esixirán a execución da sentencia do Tribunal Supremo que anula a modificación do PXOM de Mugardos que permitiu a instalación da planta de gas. A sentencia, inapelable, afirma que o plan e a planta carecen das necesarias avaliacións de impacto ambiental.
A xuíza arxentina que investiga os crimes do franquismo tomaralles declaración en setembro aos denunciantes
A Comisión pola Recuperación da Memoria Histórica da Coruña inicia unha campaña para animar os familiares dos represaliados a que realicen a denuncia, para afianzar o proceso conducido por María Servini e que pode levar a que se xulgue o xenocidio franquista, con máis de 115 mil desaparecidos aínda en todo o Estado.
O Supremo anula a modificación do PXOM de Mugardos de 2003 que amparou a planta de Reganosa
O tribunal desestima a apelación presentada pola empresa contra a sentencia do TSXG, que en 2008 xa anulara os cambios no plan. O Concello aprobou unha nova modificación do PXOM o pasado mes de abril para que a planta de gas se adapte á normativa ambiental. A súa aprobación definitiva está pendente da resolución das alegacións presentadas polo Comité Cidadán de Emerxencia, que insiste en que o novo plan "tampouco será legal"