As Letras 2013, para Vidal Bolaño
A Real Academia escolleu o dramaturgo por maioría, polo seu papel "na creación dun público para o teatro galego" e porque "por enriba de todo, foi un extraordinario escritor"
"A dignidade nunca a perderon. A súa dignidade é a indignidade dos seus asasinos"
Boimorto acollerá este domingo a entrega ás súas familias dos restos de tres homes mortos pola represión franquista en 1936. Foron exhumados en 2007 e en abril as probas de ADN confirmaron a súa identidade. Falamos con Xosé Luis Rivas Cruz 'Mini', impulsor do proceso de recuperación, aprobado por unanimidade do Concello en 2005.
Casares, Vidal Bolaño, Carvalho Calero...? A RAG anunciará esta tarde o protagonista das Letras 2013
Ao redor das oito e media da tarde, unha vez que a Academia conclúa o seu pleno ordinario, coñecerase o nome do ou da homenaxeada no vindeiro ano. Carlos Casares, Roberto Vidal Bolaño, Antonio Fernández Morales, Xosé María Díaz Castro, Carvalho Calero ou mesmo Rosalía... As apostas están abertas.
O ACTA volve ser rexeitado no Parlamento Europeo
A Comisión de Comercio Internacional da cámara votou en contra do tratado, que o mes que vén será debatido e votado no pleno. É a quinta comisión do europarlamento que se opón á norma, que procura a loita contra as falsificacións, pero que podería supor un retroceso na privacidade das conexións a Internet.
A Xunta presenta o seu plan estratéxico para o Gaiás, o sector pide un plan estratéxico para a cultura
Jesús Vázquez presentará este venres o proxecto do executivo para a Cidade da Cultura, que ratifica a suspensión das obras dos dous edificios pendentes, e fará o mesmo o martes no Parlamento. A Plataforma das Artes Escénicas chama a concentrarse ese día diante do Hórreo para esixir "un plan estatéxico para a cultura"
Rio+20: "Viñeron para salvarnos ou para salvar a súa imaxe?"
O cumio internacional acollerá, con notables ausencias e escasas expectativas de éxito, debates ao redor da chamada economía verde, un concepto moi criticado por colectivos ecoloxistas, que denuncian que se encamiña cara á mercantilización dos recursos naturais. En paralelo, desenvólvese en Río até o sábado a Cimeira dos Pobos, cunha axenda alternativa.
O humor como arma ideolóxica en Siria
A politóloga Lisa Wedeen, da Universidade de Chicago, e o director sirio de TV Allais Hajou ofrecen este xoves pola tarde un seminario no Consello da Cultura sobre Ideoloxía e humor en tempos escuros. Notas desde Siria.
Lanzan unha campaña para recuperar as axudas ao talento
Sonia Méndez, Xacio Baño e Ángel Santos, que en abril publicaron un manifesto asinado por boa parte dos beneficiarios das axudas nos últimos anos, convocan o sector a unha xuntanza aberta o 28 de xuño en Compostela. Din que Fasero lles prometeu convocar as bolsas a finais de ano, para concedelas en xaneiro de 2013.
ACTA debátese este xoves no Parlamento europeo con cinco denuncias na súa contra
O Acordo Comercial de Antifalsificación foi xa aprobado por 22 países da UE, ademais de Estados Unidos ou Xapón. Porén, a el opóñense catro comisións do Europarlamento e cinco denuncias presentadas por cidadáns, unha delas apoiada por tres millóns de sinaturas, por considerar que vulnera a privacidade dos usuarios de Internet.
"As empresas de lecer dixital non se preocupan por facer produtos para linguas coma o galego"
Este xoves présentase LEGA (Lecer Galego), un portal que quere recompilar, crear e promover recursos lúdicos dixitais con licencias libres. É unha iniciativa de GalegoLab, a plataforma de crowdsourcing na que se desenvolveron algúns destes contidos. Entre eles están Galegogym -un CD de música para facer fitness en galego-, videoxogos en galego ou recursos relacionados coa astronomía. Falamos con Xabier Seixo, encargado do desenvolvemento de LEGA.
"O gran reto que temos por diante é levar a indignación aos centros de traballo"
Esther Vivas, activista, investigadora e membro de Izquierda Anticapitalista, presenta este xoves na Asociación Cultural Bou Eva o seu libro Planeta indignado. Ocupando el futuro e o venres participa tamén en Vigo no Congreso Internacional de Agricultura Ecolóxica. Audios no interior.
Convocan unha concentración de repulsa fronte á sede de Hidralia Energía, na Coruña
A coordinadora de loitas denuncia a actuación da empresa na construción dunha central hidroeléctrica en Guatemala, que conta co rexeitamento das comunidades indíxenas e pide a paralización do proxecto.