Miguel Pardo

AO VIVO | Feijóo cre que Rajoy "non" vai renunciar ao seu cargo "porque sería dimitir das súas responsabilidades" e cre que o éxito da moción suporía non respectar "o resultado das urnas". De Frutos (PSOE) e Fernán-Vello (En Marea) advirten dun "ambiente positivo" para o cambio de goberno. 

• O PPdeG declárase vítima do "acoso" da esquerda tras vetar a comparecencia de Feijóo pola Gürtel

O equipo herdeiro do desaparecido Club Deportivo Ourense sobe a Terceira División tras comezar a súa andaina en 2014 na categoría máis baixa do fútbol. Baixo o modelo de accionariado popular e cun importante apoio social, a entidade sitúase xa a un paso da competición profesional. 

O medio do Bayern e o dianteiro do Valencia son dous dos representantes da canteira galega no Mundial xunto a Iago Aspas e Lucas Vázquez. Criados futbolisticamente en Nigrán, destacaron xuntos na base das seleccións galegas e comparten agora convocatoria na cita mundialista.

O grupo Toysal pretende un proxecto para o tratamento anual dunhas 90.000 toneladas de refugallos animais, xurros e lodos na antiga canteira de Casalonga, a 400 metros dun núcleo de poboación. O Concello amosa a súa "preocupación" e a cidadanía crea xa unha plataforma en contra. 

O auditorio de Vilagarcía quedou pequeno nun acto que contou con representantes de todos os sectores produtivos, concellos e partidos. "É cuestión de defender un modelo socioprodutivo común a todos e sustentable; a Xunta debe pensar na Galicia real", explica a Plataforma en Defensa da Ría. 

O Goberno galego anuncia que aplicará "xa" as melloras acordadas con tres das centrais, que representan menos do 50% do persoal. As que aínda se manteñen no comité de folga xa anunciaron que estudan impugnar o texto, que o Consello prevé ratificar este xoves. 

ENTREVISTA | A artista cedeiresa presenta estes días o seu novo traballo, o punto final dunha triloxía que empezou coas 'Lúas de outubro e agosto', seguiu c'O mundo está parado' e remata coa 'Bóla de Cristal' na que intenta ver e cantarlle ao mundo que desexa no futuro. 

GRÁFICOS Feijóo presume de ser o salvador da lingua malia os numerosos informes e estatísticas que advirten do seu enorme devalo, sobre todo tras a aplicación do decreto do plurilingüismo e o fomento de ataques contra un idioma usado como ariete na batalla política. Velaquí os datos. 

• Ferrolterra, Ourense, O Morrazo e Vigo, as zonas nas que máis descende o uso do galego

A Administración pretende poñer fin ao conflito pero prescinde do comité de folga como interlocutor malia as advertencias dos sindicatos. Todas as centrais están chamadas á xuntanza que pretende acabar cun conflito que dura máis de tres meses. 

• Sindicatos da Xustiza advirten de que a Xunta pretende rematar a folga por unha vía "ilegal"

O buque encargado a Navantia pola petroleira mexicana partiu a pasada semana da ría de Ferrol tras máis dun ano fondeado e sen aínda comprador. Foi un dos dous únicos barcos construídos en Galicia ao abeiro dunha "alianza estratéxica" entre Xunta e México inzada de proxectos fracasados.

• O 'non' definitivo de Pemex ao porto da Coruña pon o ramo ás promesas incumpridas da Xunta

Os socios da entidade rexeitan un novo aprazamento da asemblea e dan 30 días á intervención para que presente unha oferta formal e recupere a prestación sanitaria. A empresa española viaxará a vindeira semana a negociar unha operación dificultada pola crise económica que vive Arxentina.

Os contidos do emblemático espazo dirixido por Ana Romaní, que leva 28 anos en antena, diluiranse no resto da programación, segundo o avance da nova programación que a CRTVG fixo ao comité intercentros e que inclúe tamén a desaparición das desconexións informativas locais. 

• A CRTVG asegura que o 'Diario Cultural" vai "cambiar de formato" para ser "estrutural na grella"