A Xunta reprendeu formalmente o Concello da Coruña polo cartel do Entroido
Sanidade enviou unha carta á administración local recriminando a ilustración do disfraz de Papa por "asociar un consumo excesivo de alcohol cunha festa e co divertimento". O concelleiro de Culturas foi imputado por un presunto delito contra os sentimentos relixiosos polo mesmo debuxo.
Freixanes, elixido novo presidente da RAG, apela á "unidade" e reivindica o "continuísmo"
Foi elixido con 18 votos dos 19 académicos presentes nun plenario do que se ausentaron os académicos críticos coa súa candidatura, aos que pide que se unan para "facer o camiño xuntos". O novo dirixente reclama a colaboración de todas as institucións a prol da lingua "e non cada un na súa leiriña"
A xuíza desbota arquivar o caso das dietas de Valga e o fiscal pide informes para avaliar se son legais
A causa é declarada complexa e a instrución poderase ampliar até 18 meses. O Ministerio Fiscal entende que a documentación achegada non é suficiente e require máis datos para "comprobar a legalidade da constitución das comisións de coordinación e da percepción de dietas de asistencia"
Freixanes remudará este martes a Alonso Montero á fronte da RAG
Asumirá a presidencia da Academia co apoio maioritario do plenario. Henrique Monteagudo, Torres Queiruga, Fina Casalderrey e Marilar Aleixandre conformarán a executiva.
O novo plan da Xunta para o rural límitase a detallar parte dun proxecto xa vixente
O 'Plan de fixación de poboación no rural' anunciado por Feijóo recolle unicamente algunhas das medidas do Programa de Desenvolvemento Rural presentado hai ano e medio e "fai medibles" iniciativas xa en marcha e orzamentadas.
O Goberno galego pagou xa 1,6 millóns por anular o concurso eólico do bipartito
A última sentenza do TSXG condena a Administración a indemnizar unha empresa con 842.000 euros, que se unen ás compensacións impostas para outras dúas firmas. A factura a pagar polo Goberno galego incrementarase axiña: media ducia de recursos están aínda pendentes de resolución.
Rueda rífalle ao BNG por reprocharlle os chistes machistas do alcalde de Noia
O vicepresidente da Xunta di que os comentarios do rexedor están "fóra de lugar" pero aclara que non se tomarán medidas contra el e repróchalle á nacionalista Olalla Rodil que os repita no Parlamento. "Teñen moi pouca autoridade moral para criticar a ninguén", espétalle á oposición.
O Parlamento entrará en Meirás para certificar os incumprimentos dos Franco
PP, En Marea e BNG comparten a petición do PSdeG para que representantes da Cámara entren no Pazo ante o "incumprimento da obriga legal" da familia do ditador de permitir o acceso público. A Xunta xa lles abriu expediente aos herdeiros "para que reestablezan o réxime de visitas".
A Xustiza condena a Xunta a pagar 840.000 euros máis por anular o concurso eólico do bipartito
A Administración terá que indemnizar a Ventauría Enerxía Rural polos "danos e prexuízos" sufridos tras suspendérselle as autorizacións e "frustrarlle" os catro parques eólicos que lle foran adxudicados en 2008.
O alcalde de Noia atribúe os seus chistes machistas á "retranca galega" e líbrase da reprobación
Os edís da oposición abandonan o pleno ao acusalos Santiago Freire de "danar a imaxe" da vila ao "retorcer a realidade" sobre os seus polémicos comentarios polo Día da Muller. O rexedor apóiase no seu grupo e nos dous independentes para evitar ser reprobado. Vídeo no interior.
O pleno de Noia votará a reprobación do alcalde polos seus chistes machistas
PSdeG, Marea e BNG insistirán en reclamar a dimisión do rexedor polos seus comentarios ofensivos polo 8 de marzo, máis aínda se é reprobado pola maioría do pleno, algo que depende da posición que adopten os dous edís do grupo independente que goberna xunto ao PP.
Galicia celebra o auxe do fútbol gaélico con dous partidos históricos ante Francia
As seleccións feminina e masculina enfróntanse aos combinados galos este sábado en Ourense nunha xornada retransmitida en directo pola segunda canle da TVG. O deporte, con apenas seis anos de historia no país, aséntase cunha liga con máis de vinte equipos e unhas 500 licenzas.