Miguel Pardo

Educación recoñece un 40% de absentismo no inicio da proba este martes, a mesma cifra que en 6º. A Plataforma Galega en Defensa do Ensino Público sitúa o apoio ao boicot no 82%, dous puntos máis que hai dúas semanas, e a Confapa en case o 70%, dez puntos máis que hai un ano. 

A coordinadora e catro directivos máis da agrupación local dimitirán esta tarde, ao igual que o responsable da formación en Ames, logo da remuda do cabeza de lista pola Coruña. 

O Sergas reduce a contía que paga a quen ten que interromper o embarazo nunha clínica especializada, obriga a adiantar os cartos, non sufraga o coche cama en tren e non paga os gastos do acompañante, segundo denuncian desde un Centro de Orientación Familiar. 

A Irmandiña mantense invicta na súa época moderna malia merecer moito máis que o empate ante Venezuela (1-1). Iago Aspas marcou o gol dunha selección galega de xogo alegre e combinativo nun ambiente de festa e irmandade. "En canto rematou o partido, os futbolistas pediron xogar outro", destacan os seleccionadores. Louzán promete que o equipo seguirá xogando. Galería de imaxes no interior

Galicia xogará este venres ante Venezuela en Riazor o seu 23º partido logo de oito anos sen presenza. Debutou en 1922 e disputou varios encontros ata 1939, pero a súa reestrea non chegou ata 2005. Fran e Salgado, hoxe adestradores, xa reclamaran a súa volta nos 90. 

O 18 de maio de 1916, hai un século, nacía na Coruña este "movemento esencial para a dignificación do idioma e a renovación cultural galega". A RAG vén de pendurar na súa web o regulamento da Irmandade coruñesa, onde se resume a esencia e os propósitos do colectivo. 

Antonio Rodríguez di que o instaron a escribir a súa carta de renuncia a cambio de que a súa imaxe pública non "saíse prexudicada" e que mesmo lle ofreceron ser candidato á Xunta se aceptaba sen reproches a súa marcha das listas ao Congreso. "Aínda poden reconsiderar a decisión", advirte. 

Prescinde de Antonio Rodríguez, único representante galego da formación nas Cortes, que cualifica de "cacicada" a decisión. Cinco agrupacións da Coruña piden a Rivera que "recitifique" e recupero o ex parlamentario, substituído como número un por un ex aspirante á Xunta por UPyD. 

A Asociación de Pacientes e Usuarios do CHUS alerta dunha demora de máis de inco meses para unha resonancia para detecar metástase nunha paciente, que logo foi citada para seis meses máis tarde para a consulta dos resultados. Atrasos coma este xa foron denunciados ante a Fiscalía. 

Todas as comunidades nas que non goberna o PP insisten en pedir a retirada das probas na ESO e no Bacharelato na Conferencia Sectorial. Galicia pide unha alternativa para os alumnos que suspendan a avaliación final de Secundaria. 

Educación recoñece un 40% de absentismo fronte ás cifras anecdóticas nas outras comunidades con probas e onde non se pasou do 0,3%. O conselleiro culpa dos elevados datos ao "rexeitamento dunha parte do arco político que se infiltrou en determinadas organizacións"

O absentismo increméntase un chisco con respecto ao mércores e volve situarse entre un 70% e máis do 80%, segundo os datos das anpas, mentres Feijóo culpa dos datos ás "campañas de desinformación". Falamos cun director dun colexio que explica o "estrés" que provocan as probas nos nenos.