Miguel Pardo

A vila lucense celebrou uns polémicos festexos entre as protestas de veciños e cargos públicos. A localidade é unha das tres que aínda acolle touradas no país, onde tan só se celebran xa cinco corridas ao ano. O apoio social á abolición aumenta con 245.000 sinaturas en Galicia contra a tauromaquia. 

As plataformas municipalistas avogan por unha lista unitaria en Galicia de cara ás xerais "que non sexa unha candidatura de siglas, senón de adscricións individuais" e instan a "conxugar" o seu proceso co resto que pulan por unir forzas para o Congreso. 

Unhas 50 das 70 plataformas municipais xúntanse para sentar as bases dunha confluencia que sexa "liderada pola cidadanía" e co obxectivo de crear unha "comisión ou equipo de traballo" que "impulse" a lista unitaria xunto a outros axentes e colectivos. 

O grupo promotor da manifestación unitaria do 25X chama a unha reunión o 23 de agosto de todos os proxectos que apostan por unha candidatura galega unitaria e advirten que esta "non debe ter ningún tipo de depedencia nin obediencia alleas aos intereses da Nación Galega"

Rinoceronte Editora produce 'A lingua dos nenos', documental que, desde o punto de vista dos pais, afonda no abandono da lingua propia por parte dos rapaces, mesmo cando a súa familia é galegofalante. Falamos coa súa directora. Pode ver o filme no interior. 

O novo goberno local achega máis documentación que demostra que os populares tamén empregaron persoal e recursos públicos para colaborar na campaña do PP de Silleda ou Agolada, logo de revelar que xa os empregaran para propaganda do partido na localidade

A empresa que organiza as visitas recúa e asegura que si abre os catro días que obriga a norma pero xa non permite reservar praza, malia que di ter vacantes aínda en xullo e para setembro. A CRMH insiste en que o inmoble pase a ser do pobo: "Nin catro, nin seis nin oito, que paguen un hotel".

O número de desempregados desprotexidos aumentou no país en case un 30% desde a chegada do PP á Moncloa. A taxa de protección en Galicia sitúase por baixo do 30%, case tres puntos menos que no trimestre anterior e oito menos que hai catro anos. 

ENTREVISTA Suso de Toro, un dos promotores da marcha do 25X, cre un "éxito" a manifestación que ve como primeiro paso dunha lista unitaria. Aposta pola confluencia da esquerda, pero aclara que "Madrid non pode seguir decidindo por Galiza aínda que o fagan rapaces máis novos e 'ye-yés"

O novo goberno local achega documentos atopados que demostrarían que o ex alcalde José Crespo empregou o seu gabinete para deseñar campañas ou elaborar argumentarios, discursos e guións políticos. O rexedor Cuiña esixirá responsabilidades ante un feito "escandaloso e antidemocrático"

A histórica manifestación cidadá polo Día Nacional ateiga Compostela con máis de 25.000 persoas nunha mobilización que os partidos participantes xa ven como "un paso histórico" de cara á confluencia electoral para as eleccións xerais. 

ENTREVISTA Øivind Østberg é o avogado noruegués que presentará nas vindeiras semanas a demanda colectiva contra o Estado de Noruega dos mariñeiros galegos que levan anos reclamando as pensións que lles adebedan logo de décadas traballando nos seus buques