AGE pide á Xunta que presente un recurso de inconstitucionalidade á reforma local
Cualifica o proxecto de Rajoy de "contrarreforma política" e "golpe de Estado pola porta de atrás" ao buscar "a recentralización e a privatización dos servizos públicos".
A UE "premia" a xestión de axudas na Deputación de Lugo cun novo investimento
O ente lugués recibirá 1,4 millóns de euros procedentes dos remanentes dos fondos FEDER, un reparto baseado nos resultados dos investimentos anteriores
O curso universitario comeza como rematou: protestas contra os recortes
Persoal, sindicatos e organizacións estudantís concéntranse na apertura do curso contra as "tesoiradas" que deixan a Universidade nunha "situación insostíbel".
A Coordinadora Galega pola Paz chama a mobilizarse contra a "agresión" a Siria
Unha trintena de persoas maniféstanse ante o Consulado dos EUA na Coruña, onde se leu un manifesto contra a prevista intervención militar dos EUA que tería "consecuencias imprevisíbeis".
Seis anos para limpar un monte
O caso dun veciño da Laracha serve para ilustrar o longo e ás veces infrutuoso proceso que se debe seguir para conseguir a limpeza e deforestación do monte ao redor dunha vivenda, como obriga a lei. Solicitouno por vez en 2007 e despois de anos de denuncias ao concello, Xunta e Seprona, os piñeiros seguen a sete metros da súa casa.
A Plataforma en Defensa do Ensino Público denuncia o "escurantismo" e as "mentiras" da Xunta
FETE-UGT, CCOO, Confapa e Sindicato de Estudantes anuncian mobilizacións e centran as súas críticas nos recortes de profesorado e de bolsas, os concertos educativos con colexios segregadores e a supresión dos comedores gratuítos.
O PP rexeita pedirlle ao Estado que anule as multas de Facenda aos emigrantes
Cre que se deben "revisar caso por caso" as sancións por non tributar as pensións do estranxeiro e evita que o Parlamento reclame deter a campaña sancionadora ou, cando menos, que non se cobren intereses de demora.
PhotoÁgora: Fotografía 'maxistral' e en primeira persoa
A primeira edición do evento, coordinado por Gabriel Tizón, inclúe unha serie de clases maxistrais, un concurso internacional e unha exposición dos traballos gañadores. Ouka Leele abrirá o ciclo o día 7, seguida de José Manuel Navia (día 14), Chema Madoz (día 21) e Juan Manuel Castro Prieto (día 28).
Albada: o conflito do lixo que non remata na Coruña
Os traballadores da planta de Nostián anuncian novas mobilizacións logo de máis dun mes de folga e paros na recollida de residuos na loita pola negociación dun convenio colectivo.
Desestiman un recurso contra unha multa que alegaba que o sinal estaba "só en galego"
O xuíz indicou que só "dende posicións absolutas ou maximalistas" se pode interpretar que o feito de que un sinal de tráfico non estea en castelán pode eximir do cumprimento das súas indicacións.
CIG-Ensino advirte dun "inicio de curso conflitivo"
O sindicatro enumera a sucesión de ataques á escola pública, da supresión da gratuidade do comedor ao recorte das bolsas, pasando pola situación do proefesorado, "insuficiente", con recorte salarial e que nun número crecente ten que impartir materias das que non é especialista.
Caeu o paro polos contratos masivos para loitar contra os incendios?
Xavier Vence advirte de que a baixada no desemprego se debe aos "máis de 3.000 contratos" de brigadistas e persoal contra os lumes asinados durante o mes de agosto. "Non hai reactivación da actividade económica", di.