Praza Pública

O Consello da Xunta outórgalle ao conxunto monumental padronés o máximo nivel de protección, compatible cos usos agrarios, e atende así a demanda dos colectivos sociais que o Concello tentou frear.

A vindeira semana celebrarase a terceira edición do Freakemacine, Festival de Cinema Fantástico da Coruña. Exposicións, talleres, certame de curtametraxes 12 longametraxes e a xa tradicional zombie walk. Entre as novidades, a homenaxe a Toñito Blanco e unha video-regueifa entre Javi Camino e El Hematocrítico.

O vindeiro sábado 21 de setembro Ourense acolle a Foliada da Bicicleta, unha completa xornada ao redor da bici enmarcada na Semana da Mobilidade. Inclúe unha ruta BTT polos castros da provincia e unha tweet ride pola cidade, é dicir, percorrer Ourense vestidos coma hai 100 anos.

O Goberno galego inxectou sen concurso público máis de medio millón de euros nas principais editoras de prensa escrita do país entre abril e agosto

A Asociación Viguesa pola Memoria Histórica do 36 pregúntase que ten que negociar o alcalde co bispado "sobre un monumento que está nun espazo publico e que ademais é propiedade do Concello". A iniciativa do BNG para derrubar o monumento franquista recibiu o voto en contra do PP e a absteción do PSOE.

O incendio xa queimou máis de 1000 hectáreas nunha zona de difícil acceso, moi preto dos núcleos de poboación de San Cibrán, Cornido, Caldebarcos, Panchés, A Curra e Quilmas. A Asociación Monte Pindo Parque Natural denuncia "a destrución case completa" do espazo e anima a encher as redes sociais de lazos verdes.

Varios colectivos rexistran no Parlamento dúas iniciativas para incorporar na lexislación galega a proposta da Eurocámara e que evitaría proxectos como o de Corcoesto.

A federación, controlada por alcaldes populares, rexeita a iniciativa do Goberno central e sitúase do lado dos alcaldes críticos, cos que comparte "o fondo" das súas reivindicacións.

A pasada semana botou a andar eBookVigo, que permite acceder de balde durante 21 días a un catálogo de ducias de obras. Unha iniciativa do Concello de Vigo a través da Biblioteca Xosé Neira Vilas do Calvario.

A Federación de Libreiros de Galicia presentou unha denuncia ante a Dirección Xeral de Comercio polo "intrusismo" de medio cento de centros de ensino, que poden ingresar medio millón de euros anuais por esta vía, declarada ilegal polo Tribunal Supremo.

Comunidade educativa, sindicatos e familias denuncian os recortes no profesorado ou nas bolsas, o peche de unidades e o encarecemento dos gastos escolares, mentres a Xunta fala de "total normalidade".

Guerra e tecnoloxía sempre foron unidas pero nunca até agora Internet e as redes sociais tiveran tanto peso en conflitos armados.