Absolución para os ex edís de Ourense imputados no 'caso dos paneis'
O xuíz non atopa probas para condenar os antigos tenentes de alcalde do Concello ourensán Alexandre Sánchez Vidal e Andrés García Mata e catro persoas máis. Sobre eles pesaban acusacións de suborno, prevaricación e falsidade documental
Bruxelas non cre as previsións de España e pinta negro o seu futuro
A Comisión Europea prevé o incumprimento do déficit e unha caída do PIB do 1,4% para 2013, fronte ao 0,5% que estima o Goberno. Advirte de que o paro seguirá por riba do 26% o ano que vén e en 2014.
Abella Lupa, premio da rede Emprendeverde
Esta Sociedade Agraria de Transformación de Covelo ten un dobre obxectivo: a produción ecolóxica de mel e tamén a recuperación e divulgación do patrimonio cultural asociado á apicultura en Galicia.
Obama gaña e gobernará catro anos máis
O suspense acabou ás 5.15 da mañá (hora española). Dúas cadeas de televisión deron a vitoria en Ohio a Barack Obama e con ela, a reelección. A noticia continuou unha tendencia que parecía imparable ao longo da noite electoral. Romney non conseguía facerse con ningún dos estados que votaran a Obama en 2008.
O Tribunal Constitucional valida o matrimonio homosexual
Rexeita o recurso presentado polo PP hai sete anos con oito votos a favor e tres en contra. Máis de 22.000 vodas entre persoas do mesmo sexo celebráronse desde a súa aprobación.
Industria inxectou 450.000 euros nos medios antes do verán
A consellería que dirixe Javier Guerra pagou en xuño case medio millón para incluír noticias sobre a súa actividade en tres xornais
Denuncian un novo veto a bandeiras nacionalistas galegas en recintos deportivos
Un afeccionado do Obradoiro denuncia que a Policía o ameazou cunha multa de 3.000 euros se non agochaba o símbolo. Seguidores do Celta xa se queixaran de que lles foran requisadas bandeiras no Bernabéu, ao igual que a seareiros deportivistas en Pamplona hai anos.
Dez millóns en fianzas para os ex directivos de Novacaixagalicia
O xuíz da Audiencia Nacional Ismael Moreno aprecia que catro dirixentes das antigas caixas actuaron "no seu propio beneficio" coa "cooperación de Gayoso" e coida que existen "indicios racionais de criminalidade"
"Só dende o cinismo se poden cobrar 13 millóns e desprezar unhas páxinas que alimentan o sentir dun país"
Xornalistas, colaboradores e lectores apoiaron en Compostela a continuidade da edición galega de El Pais e o mantemento dos postos de traballo. Suso de Toro, Tony Lomba, Julián Hernández ou Uxía participaron nun acto que sinalou a importancia do xornal como "ferramenta que nos axude a construír Galicia".
'Alma da Artesanía' preséntase este venres nunha rolda de prensa en Twitter
Ao ser 'Alma de artesanía' un proxecto online, o equipo pensou que o mellor xeito de presentalo era tamén a través da rede.
"A ciencia fala, os políticos non escoitan"
Coalición Clima, Amigos da Terra, Verdegaia, Adega, SGHN, CC OO, SEO/BirdLife, Greenpeace e Ecologistas en Acción concentráronse este luns en Vigo na primeira xornada da reunión do Panel Intergobernamental de Cambio Climático. Reclamáronlles aos gobernos que escoiten as recomendación dos expertos que esixen unha redución das emisións contaminantes.
Beiras será voceiro parlamentario de AGE e Díaz, vicevoceira
Alternativa Galega de Esquerda celebra a súa primeira xuntanza para coordinar a acción da coalición no Parlamento