O proxecto da Cidade das TIC, impulsado pola Universidade da Coruña xunto a empresas do sector e apoiado polo Concello, xa ten o visto e prace do Ministerio de Defensa, que xa revogou a controvertida concesión do complexo a Hércules de Armamento
Tras o apoio maioritario ao preacordo o persoal de ambas factorías centra as mobilizacións en esixir aos gobernos galego e central que se impliquen na procura dun comprador. As vindeiras protestas serán na Coruña e nos portos de Vigo e Vilagarcía
Este xoves inaugúrase no Palexco da Coruña a exposición 'Máis Nunca Máis', composta por catro mil imaxes das mobilizacións que seguiron á catástrofe do Prestige. Está comisariada por Pepe Barro, Anxo Varela e Pepe Galán, con quen falamos
A antiga Gas Natural Fenosa pídelle ao Goberno central autorización para pechar a instalación de Cerceda tras non realizar os investimentos necesarios para cumprir cos requisitos medioambientais da UE. Propón un investimento de 80 millóns e a creación dun novo parque eólico.
O preacordo prevé manter a actividade ata o 30 de xuño, prazo no que as administracións buscarán un investidor ou proxectos alternativos. No caso de non habelos, a empresa --que investirá 40 millóns nas fábricas se chega un comprador-- di dar solución a máis da metade do persoal. O Goberno non garante o mantemento do 100% dos postos.
Unhas 3.500 persoas maniféstanse contra as intencións da multinacional. Os traballadores piden a Pedro Sánchez que deixe "o postureo" e actúe xa, coa intervención ou a busca dun investidor, a só úns días de cumprirse o prazo que deu a empresa para aceptar a súa última oferta.
Os traballadores rexeitan un plan que inclúe prexubilacións, maiores indemnizacións das previstas e algunhas recolocacións por non contemplar proxecto viable ningún para manter a actividade e o emprego.
A multinacional ofrece só parar de forma ordenada a electrólise nas plantas e evitar a detención total da actividade, que imposibilitaría calquera venda. A empresa non retira o ERE, facilitado pola reforma laboral de Rajoy, que permite aplicalo sen o visto e prace da autoridade laboral.
Goberno central, Xunta e Principado presentan un documento de mínimos a Alcoa no que lle piden paralizar o ERE e seis meses para negociar alternativas ao peche logo dunha longa xuntanza que se retoma este mércores.
Os promotores pedirán o apoio do Goberno local, de PSdeG-PSOE e de BNG para retirarlle a distinción, que lle foi concedida en 1968.
O persoal da alumineira afronta unha xornada clave a sete días de que remate o prazo de negociación de ERE e comecen os despedimentos. Unha mobilización en Madrid pide ao Estado que reaccione e interveña as factorías de non haber opción.
O persoal desta empresa de telemarketing, que emprega a 700 persoas na Coruña, está convocado este venres a unha xornada de folga. Demandan mellores condicións laborais, estabilidade contractual e melloras nun salarios que están por debaixo dos 1.000 euros. Falamos con Adrián García