O alto tribunal "confirma en todos os seus termos" a sentenza da Audiencia Provincial de hai cinco anos: os Franco deben devolver o inmoble pero tamén ser indemnizados "como posuidores de boa fe", un dereito no que é clave a inacción e desleixo da Administración central respecto das Torres durante moitos anos de democracia.
A alcaldesa, Inés Rey, e o presidente do Deportivo, Juan Carlos Escotet, reúnense para determinar a viabilidade dun proxecto que leva meses estancado e sen novidades, a unha semana de que unha delegación da FIFA visite a cidade. "Tiña uns deberes e non se fixeron", alerta Louzán, presidente da Federación Española de Fútbol.
A pasada semana o Arquivo do Reino de Galicia publicou en Galiciana unha colección de 198 imaxes realizadas nos primeiros anos do século XX, maioritariamente na cidade herculina por un fotógrafo do que pouco ou nada sabemos. Predominan as fotografías de persoas, individualmente ou en grupo, pero hai tamén algunhas imaxes nas que se poden ver paisaxes e edificios, nalgúns casos xa desaparecidos.
O proceso penal rematou en 2019 coa condena de dous traballadores, pero a sanción económica ás empresas implicadas por incumprir riscos laborais chega aínda agora
A AESIA, con sede na cidade herculina, disponse a achegar datos á investigación da Comisión Europea sobre a intelixencia artificial Grok por "permitir crear e difundir imaxes sexualizadas ou sexualmente explícitas creadas sen consentimento". A axencia estabiliza a súa colaboración co Instituto das Mulleres para "combater a violencia dixital e corrixir os nesgos de xénero" nestes sistemas
A área de Cultura da Deputación da Coruña presenta o 'Manual para políticas culturais' dirixido a persoal técnico, responsables políticos e axentes do sector no marco da iniciativai 'A cultura é un dereito'
Sabela Maneiro, Aida Tarrío e Olaia Maneiro presentarán o vindeiro 17 de outubro 'O Cuarto' no seu único concerto en Galicia este ano, que servirá tamén para celebrar o décimo aniversario do grupo. Este 4 de marzo saen á venda as entradas para o que as Tanxugueiras queren que sexa "un reencontro cheo de significado" en torno ao seu novo traballo, unha "proposta máis madura" que "reafirma o seu compromiso coa lingua e o folclore galegos"
O Tribunal Superior dá a razón a Sadamaioría e anula os nomeamentos e remuneracións outorgados pola ex-alcaldesa tránsfuga aos edís que foran expulsados de Alternativa dos Veciños e PSdeG por apoiar a moción de censura contra Benito Portela, que volveu gañar a alcaldía en 2023
O Consello da Memoria Democrática do Concello acorda comezar o proceso para eliminar as homenaxes a destacados persoeiros franquistas en base ao informe encargado ao Instituto José Cornide, que sinala varios ex-alcaldes ou o que fora presidente do Banco Pastor.
O 2025 rematou con 16.331 persoas dadas de alta no servizo, un 14% máis que o ano anterior, e 1,73 millóns de viaxes (un 29% máis). A expansión da rede de carrís-bici (45 quilómetros) e do número de estacións (79 na actualidade) levou nos últimos tres anos a multiplicar todos os indicadores: os coruñeses e coruñesas empregan de forma cada vez máis masiva a bici para os seus desprazamentos diarios.
A Federación de ANPAs da provincia convoca unha gran marcha o sábado 28 ante a "falta de recursos humanos e as deficiencias en infraestruturas e atención á diversidade". "O que eran incidencias illadas convertéronse nun problema estrutural", advirte.
A taxa comezou a aplicarse o 29 de setembro. Estímase que a recadación final superará o medio millón de euros nos tres últimos meses do ano, un período no que o número de visitantes aumentou un 14%. A alcaldesa, Inés Rey, destaca a importancia destes cartos para a mellora dos servizos públicos e da calidade do sector turístico.