A Coruña

Enxeñeira, doutora e profesora na Facultade de Informática da UDC, o perfil investigador de Virginia Mato destaca especialmente no ámbito do procesado de imaxe médica. A través da cátedra interuniversitaria entre a UDC e a UVigo que codirixe, traballa para promover vocacións tecnolóxicas, rompendo estereotipos de xénero para que nenas e nenos poidan decidir o seu futuro profesional con información veraz e obxectiva.

O club adaptará o seu nome ao topónimo en galego e oficial da cidade tras a intensa campaña a favor impulsada pola rapazada do proxecto Aquí Tamén Se Fala e logo dunha enquisa aos seus socios e socias, que deron un apoio masivo á mudanza. 

O Teatro Colón da Coruña acolle este xoves a V Gala da Cultura, na que os gañadores e gañadoras dos vinte certames artísticos impulsados polo ente provincial reciben os seus galardóns. O evento serve tamén como festexo da potencia cultural e dunha programación que chega a todos os concellos. Falamos coa deputada de Cultura, Natividade González.

O Ateneo Aurora e o colectivo Refuxios da Memoria convocan para este domingo unha homenaxe ás traballadoras da Fábrica de Mistos ao pé do seu monumento na praza de Monforte. Os actos lembran a folga iniciada por elas en abril de 1901 e que foi, entre outras, prólogo da folga xeral que paralizou a cidade a finais de maio e que desencadeou unha dura represión contra obreiros e obreiras na que morreron oito persoas e ducias resultaron feridas ou encarceradas.

Rodrigo Cuevas é un artista. Definilo só nunha das súas facetas sería reducilo. Coa música popular e a tradición como base, a súa evolución foise plasmando nos discos que agora viran en triloxía con Manual de Belleza, traballo co que inicia a xira que chega o 30 de abril ao Coliseum da Coruña. Para ilo avanzando -e alimentando o hype- estivo na cidade para compartir parola pública con Nuno Pico (Grande Amore), un dos convidados do disco, e tamén sentou conversar con Praza.gal

Un informe da administración local advirte do "problema estrutural" de moitos centros, exixe á Administración autonómica unha rehabilitación integral e máis investimento e reabre o debate sobre a asunción de competencias do ensino por parte dos municipios."Destinamos un mínimo de 6,16 millóns de euros anuais de forma directa nunha competencia, a educativa, que non é propia", advirte. 

O espectáculo da 30º edición dos premios do teatro galego, que se celebrará este luns na Coruña, xirará arredor da figura do histórico dramaturgo e actor falecido o pasado verán.

A emisora comunitaria da Coruña está a celebrar o seu trixésimo aniversario dunha programación de actividades. Cunha grande implantación social na cidade, segue a pelexar pola obtención da licenza de emisión á que ten dereito por lei. Falamos con Paula Alonso, Mariano Fernández e Tomi Legido.

Do 7 ao 10 de abril poderán verse de balde na cidade herculina as oito películas finalistas dos Premios Mestre Mateo nas categorías de mellor longametraxe de ficción e mellor documental, dende Antes de nós e Sirât ata 360 curvas.

A Asociación para a Recuperación da Memoria Histórica leva anos traballando na recuperación da memoria dos galegos enviados aos campos de concentración. Na Coruña, en colaboración co concello, instalaron xa 17 stolpersteine fronte ás vivendas dos deportados e agora vén de publicar os dous primeiros capítulos dun podcast no que afondan na vida destas persoas. Falamos con Carmen García Rodeja e David Lozano.

Este sábado a emisora comunitaria da Coruña convida á cidadanía a unha foto de familia na Praza de María Pita ás 13:04 horas para conmemorar os seus 30 anos de actividade. Ao longo deste ano concertos, presentacións de libros e outros eventos festexarán unha traxectoria na que Cuac tivo que librar unha batalla tras outra.

Inés Rey confirma que o Concello desbota ser sede polas "elevadas exixencias" da FIFA que fixeron "inviable" o proxecto e para "non hipotecar" o Deportivo e a urbe "por tres ou sete días nun investimento que non ía ter retorno ningún". A alcaldesa anuncia, xunto a Juan Carlos Escotet, presidente do club, a futura reforma de toda a cidade deportiva de Riazor e do estadio e unha nova etapa de "entendemento mutuo".