Acontece

Só Vilagarcía de Arousa tivo o pasado ano máis infraccións penais (medidas en delitos por habitante) que a media do Estado e no caso dos roubos e furtos, só Coruña supera (e por moi pouco) a media española. Nos delitos sexuais, si hai máis concellos galegos por riba da media: Santiago, Ponteareas, Ribeira, Vigo e Ourense. En todo caso, a maior parte das localidades de máis de 20.000 habitantes presentan unha taxa de criminalidade moi inferior aos datos doutros territorios.

Falamos con Roi Zas da coruñesa Outra Forma de Vivenda, e con Carmela Cons da compostelá Alvariza, sobre os seus modelos de vivenda colaborativa en cesión de uso, nos que un grupo de persoas se xuntan para formar unha comunidade e tomar decisións sobre o proxecto construtivo que finalmente habitarán. Despois de anos de traballo ambas as dúas cooperativas están preto de comezar a edificar os inmobles.

Unha enquisa aos Equipos de Dinamización da Lingua Galega (EDLG) revela que máis da metade cre que a polémica normativa "contribuíu pouco ou nada" á normalización e que os prexuízos cara á lingua mantéñense. A práctica totalidade asegura que o alumnado fala menos ou igual galego que antes. 

Un informe do Consello da Cultura inclúe unha enquisa aos Equipos de Dinamización da Lingua Galega (EDLG) dos centros de ensino na que case o 40% sinala que o uso da lingua castelá é maior do que marca o proxecto lingüístico. 

O barco tiña sobrecarga, o capitán non tomou precaucións durante o derradeiro lance de pesca e "a orde de abandono do buque deuse moi tarde"

O TSXG anula o despedimento dunha traballadora dun piso de menores no que se denunciou unha violación e di que non se lle pode reprochar que ademais das tarefas da casa e administrativas "estea vixiante todo o tempo"

En outubro de 2013 a Xunta celebrou a chegada do peregrino 200.000 daquel ano. Esta semana o Goberno recibiu ao número 500.000 no que vai de 2025 entre un entusiasmo que nos últimos anos achou receos na Igrexa ou entidades do Camiño por unha masificación que mesmo reflectiu o Plan Estratéxico do Xacobeo. En 2026 o Goberno galego achegará á Axencia de Turismo un 8% máis de fondos propios, pero o seu orzamento total caerá un 14% pola redución de fondos europeos de recuperación

Técnicas e técnicos de Menores da Coruña veñen de presentar ante a Consellería de Politica Social un escrito no que alertan da "grave situación" na que se atopa o servizo. O persoal detalla, por exemplo, a insuficiente dotación de persoal nos equipos técnicos que leva a que teñan que soportar "ratios de atención imposibles de asumir", superiores a 100 nenos por técnico nalgúns casos.

Os resultados da última enquisa de convivencia escolar impulsada pola Xunta revelan que case a metade do estudantado en Galicia entre 10 e 12 anos ten teléfono móbil, que posúen o 90% na ESO e no Bacharelato. 

A publicación do proxecto Caprif-CC inclúe comunidades de montes que suman case 19.000 hectáreas nas catro provincias e explica en detalle as características, actividades e logros de cada unha.