Acontece

O vindeiro 16 de outubro Oviedo acolle unha manifestación a prol da oficialidade do asturiano e do galego en Asturias, unha marcha que pode ser histórica, debido ao incremento da mobilización social a prol da lingua e ao proceso de reforma estatutaria aberto polo presidente Adrián Barbón, e no que o PSOE defenderá por vez primeira o carácter oficial de ambos os dous idiomas. Falamos con Xosé Candel, voceiro da Xunta pola Defensa da la Llingua Asturiana

O 85% da poboación galega ten xa cando menos unha dose da vacina e a situación nos hospitais continúa a mellorar de xeito constante

Falamos con Xavier Simón, director do Observatorio Eólico de Galicia, que leva anos pedindo non repetir os mesmos erros cometidos no novo desenvolvemento eólico, pero que advirte que "estamos cometendo erros aínda máis graves" e que "as comunidade rurais están máis indefensas ante o desenvolvemento eólico que hai 20 anos"

En máis de 180 concellos non houbo casos novos do coronavirus na última semana. A vacinación con pauta completa achégase ao 82% da poboación de Galicia e só media ducia de municipios, todos eles con escasa poboación, non superan aínda o 80% de cobertura con pauta completa. As 116 persoas ingresadas con test positivo da COVID son 36 menos que hai unha semana

O Sergas permite desde este xoves solicitar unha cita para ser atendido nos centros de saúde, onde o persoal mantén as críticas polas longas listas de espera, a excesiva carga de traballo ou a falta de medios e investimentos.

A maxistrada que presidía o tribunal das oposicións detectou "coincidencias patentes" entre as respostas dos catro axentes que obtiveran as mellores notas do exame do suposto práctico e destas co cadro de solucións correctas do exercicio. "A Alcaldía, como non pode ser doutro xeito, deu traslado á Fiscalía por se procede abrir dilixencias coa fin de pescudar se os feitos poden ser constitutivos dalgún ilícito penal", sinala o goberno local

A Policía detivo horas despois en Madrid ao presunto autor do asasinato, un home de 48 anos con antecedentes por violencia de xénero

A nova relaxación nas restricións chega mentres a incidencia acumulada do coronavirus a 14 días baixa de 100 casos novos por cada cen mil habitantes por primeira vez en dous meses e medio e as 134 persoas ingresadas con test positivo son 35 menos que hai unha semana. Todo, cando o país xa superou o 80% de poboación con pauta completa da vacina

O recoñecemento aprobado pola UNESCO protexe unha contorna de vinte e tres concellos, 18 na provincia de Lugo e cinco na de Ourense, que se converten na sétima reserva da biosfera de Galicia. Entre os obxectivos desta figura está a "conservación da biodiversidade e da diversidade cultural", destaca a UNESCO

Os sindicatos denuncian a redución de medio milleiro de mestres e mestras debido ao aumento do número de alumnos por aula. A distancia mínima nas clases pasa a ser de 1,2 metros, pero seguirá a ser de 1,5 metros nas zonas comúns e nos recreos (onde se poderán mesturar grupos distintos). Os contaxios no grupo de 12 a 19 anos están no seu nivel máis reducido dende xuño

Ao contrario que o TSXG, considera que amosar o certificado de vacinación, de test negativo ou de ter a enfermidade superada é unha medida "axeitada", "acorde coas esixencias" de "protección da saúde" e sen impacto excesivo en dereitos como a intimidade ou a igualdade. A sentenza chega na véspera da implantación do novo protocolo da Xunta para a hostalería que, cando menos de momento, segue adiante segundo o previsto

As cifras de casos novos do coronavirus detectados polo Sergas son as máis baixas dende finais de xuño; a incidencia acumulada a 14 días está a piques de baixar dos 100 casos por cada cen mil habitantes e a 7 días xa está por baixo de 40