Galicia mantense en situación de prealerta por seca, coa recomendación da Xunta de que os concellos reduzan a rega de parques e xardíns e as presións das redes de abastecemento durante as noites. Así mesmo, pídese á poboación limitar a renovación de auga nas piscinas e que faga un uso eficiente da auga no lavado de coches
"40% dos ingresados ingresan por COVID e o 60%, con COVID", salienta o conselleiro de Sanidade. Outras patoloxías supoñen un 65% de ocupación en unidades convencionais e un 30% en coidados intensivos. O Sergas reitera as recomendacións de "levar máscara no traballo e no ámbito social" a "quen teña síntomas ou sospeitas" de contaxio e de poñer a dose de reforzo da vacina a quen aínda non a teña
A Pedriña, en Muxía, acolle orgullosa un dos derradeiros secadoiros de congro da Península Ibérica, unha tradición artesanal que está a piques de desaparecer ao non cumprir coa regulamentación de hixiene e seguridade alimentaria. O Concello levará ao vindeiro pleno a súa conversión nun "centro de interpretación" para impedir "o esquecemento dunha técnica" empregada durante centos de ano na localidade
Ecoloxistas en Acción lanza a campaña 'Humidais para a Vida' que busca concienciar sobre a importancia das zonas humidas e as agresións ambientais que sofren. A entidade reclama a inclusión de espazos de Ordes, A Laracha, Mazaricos, Culleredo, Cerceda, Santa Comba ou Coristanco no Inventario de Humidais de Galicia como paso previo a unha declaración de zona protexida.
O Consello da Cultura Galega acolle este martes a xornada 'Memoria e historia do traballo no mar en Galicia, 1931-1939', que afonda na importancia do asociacionismo mariñeiro en Galicia nas primeiras décadas do século XX, coa participación de Emilio Grandío, Dionísio Pereira, Bernardo Máiz ou Eliseo Fernández, baixo a coordinación de Francisco Redondo.
Dende principios de ano os pacientes coa COVID ocupa máis porcentaxe de camas en unidades convencionais que nas UCI e o total rolda actualmente o 8% tras leves subas nos últimos días. Sanidade subliña que o groso de positivos son leves e reitera os consellos de "sentido común" e uso da máscara para quen "teña síntomas ou crea que está contaxiado"
O plan do ministerio, rexeitado pola Xunta, elimina o paso polo centro de Pedrafita do tráfico en dirección á Meseta pero manteno en dirección a Galicia
Os peritos achegados polo Goberno central e pola Xunta defenderon este xoves que o Pazo perdería "o propio sentido histórico" se se retiran estes bens que forman parte do conxunto. O Concello de Sada reclama a "integridade" de todos os bens existentes no lugar
Sanidade pecha un acordo unánime cos sindicatos cunha suba salarial de 12.000 euros anuais para o persoal médico de Atención Primaria que asuma pacientes ata agora asignados a prazas vacantes e incrementa os incentivos para consultar nos 80 concellos máis difíciles de cubrir, nos que viven case 220.000 persoas
O modelo de residencias da Deputación de Lugo "con prazas 100% públicas" que non buscan "o negocio nin a rendibilidade económica" aumentará ata os nove centros en funcionamento para cando remate este mandato. O Centro de Atención a Maiores de Becerreá destaca por promover o "arraigo", ao priorizar o acceso da xente da contorna tanto á residencia como ao centro de día.