Acontece

A campaña de vacinación en Galicia está completada ao 70,5% e o 64% da poboación ten a pauta completa tras a administración doutras 26.000 doses, a maioría a persoas dos grupos 20-29 e 30-39 anos. O Sergas segue notificando máis de mil casos novos ao día, pero as incidencias acumuladas a 14 e 7 días apuntan ao descenso tras máis de dúas semanas reducindo o seu ritmo de incremento

Eventuais en Loita lanza outra voz de alarma ante a falta de profesionais, o "esgotamento" pola pandemia, a "fuxida" de enfermeiras a outros territorios e a precariedade e "realidade ficticia" no Sergas. 

A cobertura con pauta completa de vacina entre a poboación de 30 a 39 anos aumenta 8 puntos en vinte e catro horas e rolda o 32%. Entre as persoas maiores de 40 xa supera o 93%. O Sergas notificou este xoves 1.077 casos novos e a suma no que vai de xullo rolda os 24.000. Mentres, a tendencia da incidencia acumulada a sete días achégase ao terreo da diminución

A última vez que Galicia rexistrou incidencias da COVID semellantes ás actuais, en febreiro, as persoas hospitalizadas co virus eran máis de 1.450; agora son algo menos de 270. Daquela, o Sergas notificaba unha media diaria dunhas 25 mortes de persoas co virus. Agora son 1,4

As farmacias poderán certificar o resultado negativo dos test COVID que venden e ese xustificante será válido para acceder á hostalería nos concellos onde a Xunta impón ese requisito. O Sergas segue detectando máis de mil casos novos diarios, pero en dúas áreas sanitarias a incidencia acumulada entra en zona de descenso e nas outras cinco, o crecemento frea dende hai días

A estrela da ximnasia abandona a competición en Toquio e deita luz sobre un problema tantas veces agochado e agravado pola COVID. 

Tras anos de devalo, os organizadores da feira taurina víronse obrigados a cancelala en 2020 por mor da pandemia e neste 2021 admiten que as medidas pola COVID converten en "inviable" o evento, que ía ter unha soa xornada. O colectivo 'Touradas fóra de Pontevedra' subliña a súa principal reivindicación tras dous anos sen o evento: a conversión da praza de touros nun centro cultural

Coa tramitación para contratar un sistema estable paralizada, a empresa encargada pola Xunta deriva persoal doutras campañas ao control do coronavirus en Galicia ante a imposibilidade de cubrir as vacantes ofertadas.

Sanidade notificou este martes 1.300 casos novos e, nos últimos sete días, diagnosticou unha cifra media semellante de infeccións activas cada xornada. O ritmo de crecemento da incidencia segue freando e tamén tende a estabilizarse o incremento da hospitalización, que segue á alza pero moi por baixo de anteriores vagas

Os datos da primeira metade do ano, habitualmente mellor que a segunda metade, están dez días por riba do límite fixado na lei de garantías sanitarias

A vacinación masiva deixa os centros de saúde sen enfermeiras, que dobran quendas para cubrir vacacións e asumen máis carga de traballo polo impacto dunha onda que se ceba na medicina familiar. 

O Sergas notifica este luns 1.115 casos novos e diagnosticou unha media diaria dunhas 1.277 infeccións activas na última semana. Entre as seis áreas nas que a incidencia a 7 días aínda non diminúe a máis próxima a entrar en terreo de descenso é a de Pontevedra-O Salnés. Ás seis da tarde do domingo había 258 persoas ingresadas con test positivo, 118 máis que hai unha semana