Acontece

O Sergas suma 1.184 novos casos en vinte e catro horas e a semana segue na contorna dos mil por xornada. Sanidade rexistra na última semana unha media de 25 mortes ao día de persoas que contraeran a COVID-19 e todo apunta a que a terceira faga deixará máis vítimas mortais que a primeira. Mentres, a ocupación das UCI semella transitar polo seu pico con 247 pacientes e a hospitalización total rexistra as primeiras diminucións significativas

A empresaria e o seu irmán foron vacinados en Vigo o pasado 8 de xaneiro, en principio sen coñecemento da Xunta, que afirma que non figuraban na relación de traballadores da empresa que ían recibir a protección contra a enfermidade. A compañía xustifica que ambos os dous directivos están en contacto con usuarios e usuarias dos seus centros.

As 247 persoas nas UCI con test positivo supoñen aínda unha cifra moi elevada e Sanidade prevé que a forte presión hospitalaria continúe nos vindeiros días malia ás primeiras baixadas. O Sergas suma 1.141 novos casos da COVID e as incidencias a 7 e 14 días modéranse. Saúde Pública di ler con "cautela" a posible mellora porque as incidencias seguen sendo moi elevadas e tamén por factores como os posibles casos "en estudo" da variante inicialmente detectada no Reino Unido

As vivendas, todas sen estrear, alugaranse por un prezo entre os 160 e os 170 euros ao mes. O alcalde da localidade destaca que co acordo, "pioneiro en Galicia", queren sacar "algo positivo" para a veciñanza dunha burbulla inmobiliaria que "aínda sufriremos durante bastantes anos"

Foi o segundo mes con máis defuncións dende o inicio da pandemia, só por detrás de abril (428). O 26% das mortes produciuse nas residencias, por debaixo do 40% de meses anteriores. As persoas maiores que viven fóra destes centros foron as máis afectadas pola terceira onda

A media diaria de diagnósticos do coronavirus rolda os mil na última semana tras superar os 1.300 a finais de xaneiro, que rematou chegando ás 400 mortes de persoas que contraeran a doenza. O total de persoas hospitalizadas coa COVID semella transitar polo seu pico, pero a presión hospitalaria segue sendo moi elevada e a ocupación das UCI continúa marcando máximos de toda a pandemia

Os 150 ingresos dos últimos sete días deixan e 242 a cifra total de camas ocupadas. A situación dalgunhas áreas sanitarias, como A Coruña, Ferrol ou Pontevedra é preocupante, obrigando a trasladar pacientes a Lugo ou Vigo ou a barallar a apertura dun hospital de campaña. Aínda que o máximo de diagnósticos semella superado, o 'pico' hospitalario tardará aínda uns días en chegar

A Xunta reabriu a sala de partos tras dous meses e unha masiva protesta veciñal que "mudou a concienciación social da comarca". O hospital rematou 2020 con 115 partos, a mellor cifra en cinco anos, e o polémico expediente ao xinecólogo que liderou a mobilización: "Tiñan obsesión por cerrar".