Acontece

Tras ocultar os datos moito peores da primeira metade de 2020, revelados polo ministerio, a Xunta asegura que ao remate do ano as cirurxías tardaban 72 días, 18 máis que a finais de 2019, e as consultas 49 días, 7 máis

Este venres o Sergas notifica 1.643 novos casos, 1.390 correspondentes a diagnósticos realizados nas últimas 24 horas por proba PCR, e 30 novas mortes. As UCI dos hospitais galegos acadan un novo récord, con 210 persoas ingresadas. Galicia atópase xa no 'pico' de novos contaxios, pero a ocupación hospitalaria continuará a crecer cando menos unha semana.

O  incremento de hospitalización é o menor nun día dende mediados de mes pero os pacientes na UCI con test positivo da COVID son outro máximo da pandemia, con 193. Dous días da última semana rexistraron 22 mortes de persoas que contraeran a COVID-19 e o total chega a 1.688 mentres a incidencia segue marcando máximos da pandemia cada día, aínda que diminuíndo o seu ritmo de incremento

O número anual de denuncias vén medrando de forma continuada dende o ano 2012. Dende o ano 2005 incoáronse en Galicia un total de 23.401 ordes de protección por violencia machista, das que foron adoptadas 15.554 e 7.727 foron denegadas

As 178 persoas co coronavirus nas UCI galegas son dúas máis que no pico de abril, que se supera dous días despois de deixar atrás o total de hospitalización da primeira vaga. Galicia segue rexistrando unha media dunhas 15 mortes por xornada tras dúas semanas con máis de mil casos diarios rexistrados cada día. A suba da incidencia acumulada amosa lixeiros sinais de freo e descende por primeira vez dende o Nadal en dúas cidades

O presidente asegura que “o 87%, 8.400, cuarentenáronse antes de ir ás aulas”, limitando así ao 13% os casos detectados no propio ensino

Os peches perimetrais manteñen excepcións laborais ou médicas e para mercar produtos básicos que non haxa no propio concello, mais tamén para cazar. As persoas que vivan soas poden xuntarse cunha "única unidade de convivencia" e as parellas que residan en domicilios diferentes tamén poden reunirse

O Sergas recolocou a ex-presidenta do Porto de Vilagarcía, directiva do PP de Vigo, nunha praza creada para ela hai un mes que lle permitiu vacinarse contra a COVID. No Hospital da Mariña, a denuncia da CIG sobre a vacinación de membros da dirección do centro foi respondida polo Sergas argumentando que tiñan contacto con persoas que poden estar infectadas

O pasado 15 de decembro, momento en que comezou a incrementarse o número de casos de coronavirus, case un terzo dos concellos levan cando menos 14 días sen rexistrar ningunha infección. Os desprazamentos e as reunións sociais do nadal espallaron o coronavirus por toda Galicia.

Tras rexistrar ata 27 novos falecementos, tres deles da última xornada, o total chega aos 1.649 e a media diaria de mortes da última semana rolda as 15. Despois de superar o pico de hospitalización total da primeira vaga, está a piques de suceder o mesmo coa ocupación máxima das UCI mentres o Sergas acumula dúas semanas sumando cada día máis de mil novos casos