Acontece

O Sergas  diagnosticou uns 170 casos ao día mediante PCR na última semana e as persoas hospitalizadas con test positivo do coronavirus aínda roldan as 250. Cinco concellos superan os 500 casos por cada cen mil persoas a 14 días e noutros noventa non houbo positivos nas últimas dúas semanas. Entre as cidades, todas agás Ourense manteñen a tendencia descendente na súa incidencia

O 4 de marzo de 2020, o Sergas daba por confirmado o primeiro caso positivo por SARS-CoV-2 en Galicia. Dez días despois, comezaba o confinamento nun país inmerso nun clima preelectoral que marcou a xestión da primeira vaga da pandemia. Máis dun terzo das persoas contaxiadas que faleceron ata agora en Galicia co coronavirus viviran en residencias de persoas anciás ou con discapacidade

Sanidade asegura que a estratexia estatal impide vacinar agora todos os usuarios, que si están a ser inmunizados en moitas comunidades, logo de que Feijóo anunciase que empezarían a recibir as doses a mediados de febreiro. 

Galicia rexistra uns 130 caso novos da COVID por cada cen mil habitantes nos últimos 14 días e arredor de 50 na última semana e o Sergas admite a necesidade de cautela á espera dun maior alivio nos hospitais, onde aínda hai máis de 400 persoas ingresadas con test positivo do coronavirus, e tamén ata ver o efecto da 'desescalada'. O Sergas xa computa 2.256 mortes de persoas que contraeran a doenza.

Cos datos pechados a 1 de marzo, 155 concellos non rexistraran casos novos da COVID-19 nos sete días previos. Ata 86 deles acumulaban nesa xornada dúas semanas 'libres' do coronavirus

A poboación dos concellos ferrolterráns recupera a mobilidade pola maior parte de Galicia. As áreas sanitarias da Coruña e de Pontevedra son as únicas que continúan pechadas, con todos os seus concellos en nivel alto. Fóra delas, tamén se atopan nesta situación Cariño, Guitiriz, Lourenzá, Pobra de Brollón, Tordoia, Porto do Son, Mos, Mondariz, Pazos de Borbén e Boborás.

Tras dous meses seguidos con máis de 400 mortes de persoas que contraeran a COVID-19, o total chega xa ás 2.252. Apenas media decena de concellos superan os 500 casos novos por cen mil habitantes a 14 días, limiar que a Xunta fixara para o máximo nivel de restricións

Malia as reclamacións de maior flexibilidade para o persoal transfronteirizo que chegan desde a raia, os gobernos centrais seguen a restrinxir os movementos pola COVID en cinco puntos a só seis horas ao día

A prevalencia na cepa descuberta no Reino Unido vén medrando nas últimas semanas. Con todo, a porcentaxe pode variar moito, xa que está baseada na secuenciación dun número moi reducido de mostras aleatorias, menos de 100 por semana.

Un informe da Asociación de Centros de Día de Galicia debulla o impacto da pandemia nestes espazos e destaca que o 46,5% das persoas usuarias non volveron tras o peche "excesivo e equivocado" durante catro meses.