Acontece

As dúas cidades nas que a Xunta ergueu máis restricións antes da ponte, Santiago e Ourense, son as primeiras nas que a incidencia acumulada a 14 días regresa con claridade á liña ascendente. Sanidade suma 275 novos casos e a media diaria de diagnósticos a sete días segue roldando os 300 mentres o total de persoas hospitalizadas con test positivo da COVID volve aumentar e xa son máis que hai unha semana

O Goberno local proxecta agrupar os dous colexios existentes no termo municipal nun só centro, a máis de seis quilómetros de distancia da escola en risco de peche. As familias afectadas lembran que no seu CEIP estudan 29 alumnos e alumnas e denuncian o recorte de servizos para as súas parroquias

No inicio da nova 'desescalada', Galicia dispúñase a baixar da media de 300 novos positivos ao día e agora volve estar a piques de superar ese limiar. A realización de cribados masivos incrementa notablemente o número de probas PCR procesadas polo Sergas e contribúe a manter baixas as taxas de positividade

Dende o pasado 5 de decembro Santiago pasou dunha incidencia acumulada de 75 casos a case 110 e Ourense medrou de 94 a 124. O resto das cidades galegas mantén unha tendencia de descenso, aínda que freada nos últimos días.

A porcentaxe de probas positivas mantense por debaixo do 5%, pero o descenso da incidencia da enfermidade e da ocupación das UCI prodúcese de forma moi lenta. As Pontes e Boiro son as vilas cunha situación máis preocupante. Ourense e Compostela incrementaron as súas cifras de novas infeccións dende o relaxamento das restricións

Nos meses de setembro e outubro os niveis de dióxido de nitróxeno caeron un 42% na Coruña e un 31% en Vigo, fronte aos descensos próximos ao 60% que se produciran en marzo e abril. Ecoloxistas en Acción chama a repensar a mobilidade nas cidades e pide investimentos no transporte público e unha aposta polas peonalizacións e o uso da bicicleta.

Este venres detectáronse 301 novos positivos por PCR, unha cifra semellante á dos últimos días e que amosa un freo na recuperación das últimas semanas. Con todo, a porcentaxe de probas positivas mantense por debaixo do 5% e segue a descender o número de camas hospitalarias ocupadas

A Xunta alivia tamén as medidas de prevención en vilas como Marín, Poio, Narón, O Porriño, Ribadavia, Xinzo de Limia e, pola contra, enduréceas en Sarreaus, A Rúa, Camariñas, Zas, Tomiño e O Rosal. A cidade da Coruña mantén as actuais limitacións á mobilidade.

A maior parte dos indicadores da pandemia melloran cando estamos a menos de dúas semanas das festas de Nadal. Con todo, seguen a rexistrarse case 300 novos positivos cada día. As camas de UCI ocupadas baixan de 62 a 51 na última semana, especialmente nas áreas sanitarias da Coruña, Ourense e Ferrol