Dende este luns poden descargarse os cupóns de 30 euros de desconto do programa Bono Activa Comercio, posto en marcha polo Goberno galego. Ademais, o ente provincial lucense abre o prazo para que os establecementos se adhiran aos Bonos Impulso, que ofrecerán 17.000 descontos de 30 euros á cidadanía.
A compañía despediuno o mesmo día que o traballador comunicou o parto da súa muller, alegando "unha eventual diminución continuada e voluntaria no rendemento de traballo normal ou pactado". O alto tribunal galego considera que o despedimento chegou "polo feito do parto e de todas as consecuencias que se poderían derivar do mesmo (permisos, baixas, etc.)”.
A incidencia acumulada a 14 días rolda os 96 casos novos por cen mil habitantes e a 7 días sitúase un chisco por baixo da metade, o que indica tendencia descendente. O Sergas suma 103 casos novos nun contexto no que o número de probas PCR segue sendo elevado e as súas taxas medias de positividade, inferiores ao 2%. A hospitalización mantense estancada en torno a 200 persoas tras dous días seguidos sen novos falecementos notificados
A entidade publica o seu Manifesto polo Día Internacional da Liberdade de Prensa, que destaca o traballo de investigación de Manuel Rico e o labor de Roberto Fraile e David Beriain, asasinados en Burkina Faso. Asínao Isabel Quintairos, despedida hai anos da COPE por homosexual e nacionalista
En 2018, Galicia descendeu por primeira vez no que vai de século das 9.000 camas hospitalarias en funcionamento; en 2019 eran 8.906, segundo os datos que vén de actualizar o IGE. Nos últimos anos, a Xunta sinalou o ritmo crecente de operacións cirúrxicas no Sergas como mostra de que "o recurso cama xa non é tan imprescindible coma antes"
Antes da vacinación, en torno ao 40% das persoas falecidas coa COVID-19 en Galicia vivían en residencias. En marzo foron o 6% e en abril, ningunha. O Sergas rexistra 174 casos novos entre sinais de acougo nos principais datos epidemiolóxicos globais de Galicia e coa hospitalización estancada en torno a 200 ingresos
Abril finaliza con algo máis de 5.100 casos novos da COVID-19 detectados en Galicia; en marzo foran uns 4.600 e en febreiro, máis de 14.000. As áreas sanitarias de Pontevedra e O Salnés seguen rexistrando as incidencias máis elevadas do virus. Máis dun terzo da poboación galega recibiu cando menos unha dose de vacina, uns cinco puntos máis que a media estatal polo maior peso das persoas maiores de 80
O Sergas suma 211 novos casos da COVID e a incidencia acumulada a 14 días mantense un chisco por baixo dos 100 casos novos por cada cen mil habitantes. Tras dúas semanas sen ningún caso en residencias, Sanidade confirma un gromo de 8 positivos no centro DomusVi Chantada. O feito de que as 6 persoas residentes que deron positivo estean vacinadas favorece que permanezan asintomáticas
O TSXG ordena indemnizar con 70.000 euros á vítima, que no ano 2013 pariu no Complexo Hospitalario de Santiago, e que posteriormente sufriu o denominado 'síndrome de cola de cabalo', un dano neurolóxico nun grupo de nervios que determina a sensación e o funcionamento da vexiga, intestinos e pernas
O Ministerio de Transición Ecolóxica clausura de forma temporal este depósito de áridos, aberto no ano 1998 e que vén xerando as críticas de grupos ecoloxistas e dos mariscadores e pescadores da Ría de Arousa, que alertaban contra os prexuízos provocados neste lugar, situado a dúas millas de Sálvora, parte do Parque Nacional das Illas Atlánticas
Oito de cada dez persoas maiores de 80 anos xa completaron a pauta da vacina. O Sergas rexistra 230 casos novos do coronavirus nun contexto de relativa estabilidade da incidencia acumulada, que a catorce días se achega aos 100 casos novos por cada cen mil habitantes