Acontece

Coa barreira dos oito millóns de turistas superada en Galicia, Xosé Regueira afirma que "podemos seguir medrando algo máis, pero temos que facer máis esforzos en buscar a ese turista que saiba valorar o que somos capaces de ofrecer"

Ninguén sae beneficiado. O Goberno galego vén de ordenar que as escolas infantís pechen de forma anticipada varios días ao ano para que as traballadoras poidan ter tempo de reunirse. Unha medida que causa malestar tanto nas familias, que xa non saben como conciliar, como no persoal educativo, que cualifica de “broma” a a decisión da Administración.

Galicia recibe máis persoas das que marchan. Porén, se debullamos as estatísticas e observamos unicamente os datos da poboación de 20 a 39 anos nacida no interior do Estado, o saldo migratorio é permanentemente negativo para Galicia. 

O vicepresidente e responsable de Turismo da Deputación da Coruña, Xosé Regueira, destaca en FITUR que o sector agroalimentario é "a mellor marca turística" da provincia

No ano 2020 unha enxeñeira non superou unha das fases do proceso de selección a pesar de obter unha das mellores puntuacións porque o seu perfil era "demasiado maduro". O TSXG e despois o Tribunal Supremo déronlle a razón e obrigaron a empresa a reabrir o proceso e incluíla nel, pero de momento a aspirante aínda non tivo noticia de acción ningunha neste senso por parte da compañía, que defende que si o está a facer.

En setembro a Dirección de Medio Ambiente denegou á empresa Billerud Viken a solitude de instalación da factoría en Hønefoss, a 60 quilómetros de Oslo, porque as verteduras da planta á auga infrinxirían a normativa medioambiental norueguesa e a Directiva Marco da Auga da UE, prexudicando os ríos da contorna e fiordos situados a unha distancia semellante á existente entre Palas de Rei e a Ría de Arousa. Greenpeace destaca as similitudes entre os dous proxectos.

Xosé Manuel Piñeiro falece deixando tras de si o ronsel de agarimo que cultivou quen virou en icona da cultura popular do país dende a Televisión de Galicia e a Radio Galega, do emblemático 'Supermartes' ao debate sen cancelas de 'Acompáñenos'. Os recoñecementos chegáronlle con galardóns como a Medalla Castelao pero, sobre todo, coas infinitas mostras de afecto que recibiu ao anunciar en 2018 a súa retirada temporal para tratar o cancro que padecía

O país sitúase como a cuarta comunidade con maior déficit e está lonxe de cumprir coa ratio recomendado de cinco por cada 100 maiores de 65 anos, segundo un informe da Asociación de Directoras e Xerentes de Servizos Sociais.

Un informe de Ecoloxistas en Acción alerta de que a proliferación de vivendas de uso turístico está a expulsar familias residentes dos barrios máis saturados. "Está a facer inaccesible a vivenda para as capas sociais con menos ingresos e para a mocidade que se quere emancipar", denuncia. Vigo é cidade na que máis aumentou o seu número dende o 2020 (+113%) entre as 23 analizadas e A Coruña é a cuarta (+84%)