O estudo de seroprevalencia do Ministerio de Sanidade estima que unhas 121.000 persoas foron contaxiadas en Galicia, onde o impacto da COVID é dos menores no conxunto do Estado, só por riba das Illas Canarias.
Santiago pasa ao nivel medio de restricións, que tamén aumentan en Ribeira, Bueu, e Baiona (que pasan ao nivel máximo) e en Santa Comba, Mazaricos, Negreira, Carnota, Rodeiro, A Illa e Fisterra (que pasan ao nivel alto). Pola contra, as medidas suavízanse en Barro, Coristanco, Cee, Laxe, Carballo e Ponteceso, que deixan de ter limitacións de mobilidade
Nunha protesta laboral levada a cabo por traballadoras da limpeza do Arsenal militar de Ferrol, Pablo Fragoso foi acusado de dicir “aquí tenéis el silencio de la puta bandera” e “hay que prenderle fuego a la puta bandera”, expresións que para o TC "non están amparadas pola liberdade de expresión", nunha resolución que contou con numerosos votos particulares
As dúas cidades nas que a Xunta ergueu máis restricións antes da ponte, Santiago e Ourense, son as primeiras nas que a incidencia acumulada a 14 días regresa con claridade á liña ascendente. Sanidade suma 275 novos casos e a media diaria de diagnósticos a sete días segue roldando os 300 mentres o total de persoas hospitalizadas con test positivo da COVID volve aumentar e xa son máis que hai unha semana
O Goberno local proxecta agrupar os dous colexios existentes no termo municipal nun só centro, a máis de seis quilómetros de distancia da escola en risco de peche. As familias afectadas lembran que no seu CEIP estudan 29 alumnos e alumnas e denuncian o recorte de servizos para as súas parroquias
No inicio da nova 'desescalada', Galicia dispúñase a baixar da media de 300 novos positivos ao día e agora volve estar a piques de superar ese limiar. A realización de cribados masivos incrementa notablemente o número de probas PCR procesadas polo Sergas e contribúe a manter baixas as taxas de positividade
Dende o pasado 5 de decembro Santiago pasou dunha incidencia acumulada de 75 casos a case 110 e Ourense medrou de 94 a 124. O resto das cidades galegas mantén unha tendencia de descenso, aínda que freada nos últimos días.
A porcentaxe de probas positivas mantense por debaixo do 5%, pero o descenso da incidencia da enfermidade e da ocupación das UCI prodúcese de forma moi lenta. As Pontes e Boiro son as vilas cunha situación máis preocupante. Ourense e Compostela incrementaron as súas cifras de novas infeccións dende o relaxamento das restricións
Nos meses de setembro e outubro os niveis de dióxido de nitróxeno caeron un 42% na Coruña e un 31% en Vigo, fronte aos descensos próximos ao 60% que se produciran en marzo e abril. Ecoloxistas en Acción chama a repensar a mobilidade nas cidades e pide investimentos no transporte público e unha aposta polas peonalizacións e o uso da bicicleta.