Política Social admite que nas súas residencias de maiores un de cada 13 usuarios é menor de 65 anos malia que a normativa sinala que deberan ser casos puntuais
Un informe da federación de ANPAs detalla a deterioración "progresiva e alarmante" que sofren centros públicos que acollen 22.000 estudantes. O 70% deles teñen pingueiras, máis do 60% problemas na instalación eléctrica e falta de profesorado especialista. A inmensa maioría denuncia ratios elevadas sen reforzos suficientes.
Entre 2014 e 2024 un total de 159 persoas morreron atropeladas nas rúas e estradas galegas, 1.119 persoas sufriron feridas graves e 4.734 feridas leves. Unha parte importante tiveron lugar nas zonas urbanas, pero non en Pontevedra, onde as políticas de calmado do tráfico e de peonalización de espazos conseguiron que dende febreiro de 2011 non houbese atropelos mortais.
"A documentación achegada pola CRTVG non acredita axeitadamente a carencia de medios persoais dispoñibles nin a necesidade de realización do contrato para a prestación do servizo", conclúe o Contas nun informe ao que a dirección dos medios públicos retruca reprochando ao ente fiscalizador "obcecación", "suficiencia desmedida e intrusiva" e "xuízos de valor pouco respectuosos"
Un bombeiro perdeu unha perna tras unha intervención no barrio de Recimil, onde houbo catro feridos graves. Os traballadores do parque aseguran que o accidente debeuse á falta de persoal e que era "un desastre anunciado" logo de meses denunciando a situación.
Educación anuncia "unha nova estratexia de convivencia escolar" tras actualizar hai dous anos o protocolo contra o acoso
A única redución significativa da demora cirúrxica media que agarda Sanidade para xuño deste 2026 é na área de Santiago tras o seu notable aumento en 2025. Cara ao remate do ano contempla que en catro das sete áreas sanitarias haxa que esperar máis que a finais de 2024
En 2025 houbo en Galicia 13.567 nacementos, 217 máis que os rexistrados en 2024 (13.350), unha suba pequena pero que supón o primeiro cambio de tendencia despois de 18 anos de descensos.
Contra a proposta do ministerio de declarar a especie en perigo de extinción o Goberno galego defende a súa pesca e di que o pasado ano 93 barcos capturaron en Galicia 37.371 quilos que supuxeron 800.000 euros
