Sofía e Mateo foron os nomes máis empregados para os bebés nacidos en 2024, nunha listaxe que tamén encabezan Vega, Noa, Martín ou Leo e na que gañan posicións Roi, Antón, Lía ou Lola.
A publicación de Nova Escola Galega dedica un número monográfico a reflexionar sobre como afrontar a dixitalización con criterios pedagóxicos. Destácase igualmente que ‘dixital’ e ‘impreso’ poden convivir nas aulas, pero que é preciso mellorar as características dos recursos educativos
37.819 hectáreas de terreo queimáronse nos espazos da Rede Natura 2000, segundo os datos tirados por Adega dos satélites do proxecto europeo Copérnicus. No que levamos de século, tan só en 2011 a superficie queimada en espazos protexidos (10.949 ha) aproximouse, aínda que de lonxe, á deste ano
Comboios de Portugal confirma ao Eixo Atlántico que prevé enviar ao Norte máis locomotoras diésel contra finais de ano, cando remate as obras de electrificación da liña do Algarve, e retomar así o servizo con Galicia sen transbordo en Viana do Castelo
Medio Rural deu o lume por controlado este martes, cando arderan unhas 140 hectáreas. O traballador máis afectado ten a cuarta parte do corpo queimada e padece ademais unha intoxicación por fume
Tan só 10.157 VUT galegas están xa inscritas no rexistro obrigatorio do Ministerio de Vivenda. Son apenas o 36% das que, segundo o rexistro da Xunta, están en funcionamento. As solicitudes de 2.640 foron revogadas por non cumprir con requisitos legais e xa non se poderán anunciar nas plataformas online máis populares. Aviturga reacciona afirmando que estes pisos turísticos non son ilegais ata que o diga a Xunta.
Un estudo da universidade alemá de Mannheim cifra en 850 millóns de euros as perdas no país pola falta de chuvias só en 2025 e sinala España como o Estado que sufrirá máis en termos económicos as condicións meteorolóxicas extremas derivadas do cambio climático.
Varias das Parroquias de Alta Actividade Incendiaria (PAAI) establecidas pola Xunta figuran entre as que máis sufriron os incendios de agosto, como Requeixo (Chandrexa de Queixa), San Millao e Montes (Cualedro), Pentes, O Tameirón e A Gudiña (A Gudiña), O Pereiro e Santigoso (A Mezquita), A Granxa e Oímbra (Oímbra). As comarcas arrasadas polo lume este verán adoitan queimarse todos ou case todos os anos.
O realizador chairego Daniel Canto retrata cun dos drons da súa produtora, Vagalume Audiovisual, a destrución causada polo lume o pasado agosto en varias das localidades ourensás máis afectadas. "Os que nos dedicamos a isto temos a responsabilidade de amosar o que pasa en realidade", explica Canto, especialmente impresionado polo visto na "arrasada" aldea de San Vicente de Leira