Acontece

A porcentaxe de alumnado que cursa a materia confesional en Primaria descendeu abruptamente dende o inicio deste século e sitúase xa por debaixo da media do Estado. En ESO e Bacharelato a redución é máis lenta. Hai grandes diferenzas entre os centros públicos, nos que houbo un cambio maior, e os privados, nos que a a Relixión mantén máis forza.

Desde este sábado, o país convértese na primeira autonomía que equipara estes produtos ao alcohol e o vapeo ao tabaco, cunha norma que prevé aplicar tamén o Goberno de España. O consumo, posesión ou transporte destes refrescos estimulantes supón multas para a rapazada de entre 200 e 3.000 euros que poden subir a 15.000 para os adultos que llelos faciliten. 

O paro indefinido na atención primaria continúa tras fracasar de novo as negociacións entre o sindicato médico convocante e a Consellería de Sanidade e logo de suspenderse 17.000 consultas en tres días. 

Meteogalicia confirma o conxunto do inverno como o máis húmido desde 2000, pero cunhas temperaturas máis elevadas que o habitual

O Tribunal Militar da Coruña considérao culpable dun delito de abuso de autoridade na modalidade de acoso sexual e condénao a seis meses de cadea e suspensión de emprego

O alto tribunal rexeita o recurso de casación da compañía contra unha sentenza da TSXG que xa lle advertira de que non podía poñer requisitos a maiores a quen optase por unha clínica privada. A corporación exixía ao persoal un xustificante médico que certificase que a súa atención estaba incluída na carteira de servizos públicos ou que non se podía realizar fóra do horario laboral, comprometendo ademais a protección de datos. 

O sindicato médico cifra o seguimento do paro indefinido iniciado hoxe nun 71%, cifra que a Consellería de Sanidade reduce a menos do 6% na quenda de mañá.

Santiago, A Coruña, Vigo e comarca... a comunidade educativa galega está farta e, en consecuencia, está en loita. Este sábado saíu á rúa na Coruña e en Santiago, como xa o fixera en Vigo e comarca o xoves. Alerta de deficiencias graves nas instalacións, falta de persoal docente e recursos, ratios abusivas que impiden a atención real á diversidade, ausencia de persoal de coidados ou falta de persoal de mantemento, limpeza ou administración.

Tras o accidente laboral mortal o empresario "guiado polo ánimo de exonerarse" presentou "documentación encamiñada a facer crer" que facilitara ao falecido formación de seguridade e equipos de protección