Acontece

Política Social envía agora un novo protocolo a cada instalación, que deberá especificar as medidas para adaptarse ás novas esixencias, tras a guía remitida o pasado mes de maio. 

O número de "positivos activos" que indica a Xunta aumenta en dous casos pero a suma dos positivos comunicados polo Sergas dende o inicio incorpora cinco casos novos

Como xa advertira, o Ministerio de Sanidade segue a revisar a serie da covid-19, que para Galicia é a única pública porque o Sergas non divulga a súa. O primeiro caso galego ten agora data de inicio de síntomas no 2 de febreiro e sitúase na provincia de Ourense, pero o incremento exponencial segue comezando na segunda semana de marzo

A directora da residencia da empresa en Compostela acusa o Goberno galego de tardar 9 días en comezar a hospitalización de enfermos de coronavirus e de rexeitar o traslado dos máis dependentes. Vellez Digna atopa verosímil a denuncia "pois algo debeu pasar para que deixasen morrer tantas persoas", pero ve tamén un intento da empresa de "escusarse" pola mala xestión realizada

Este 17 de xuño o Ministerio de Sanidade indica un diagnóstico novo en Galicia e o Sergas suma catro casos novos directamente como "curacións". O número de persoas falecidas segue sendo 619, segundo o Sergas, que non dá conta de novas mortes ligadas á pandemia dende o pasado día 11

O curso 2020/21 en Galicia terá un día lectivo máis do habitual e as vacacións de Nadal rematarán o 8 de xaneiro. Os sindicatos educativos critican que a Consellería opte por un "calendario normal, como se non pasase nada".

O presidente da Xunta, que vén cuestionando a axuda posta en marcha polo Goberno central, asegurou este martes nunha entrevista que o IMV "existe en Galicia dende 1991", en referencia á Risga. Porén, hai importantes diferenzas entre unha e outra , comezando pola súa contía, a súa cobertura, a compatibilidade con outros ingresos e a burocracia.

A Xunta suma dous novos positivos na área sanitaria de Vigo e un na da Coruña mentres o Goberno central indica que Galicia notificou un novo diagnóstico da covid-19 nas últimas vinte e catro horas. O número de falecementos segue en 619 tras outros cinco días seguidos sen novas mortes

Vigo e Ourense rexistraron importantes colas ante as oficinas municipais. Mentres, Santiago habilitou dous puntos de información que xestionarán as 620 citas previas xa concedidas. O delegado do Goberno central, Javier Losada anuncia que cando menos 7.000 fogares "xa percibirán a prestación este mes de xuño"

Durante o estado de alarma, as forzas de seguridade ditaron case 45.000 propostas de sanción en Galicia e practicaron 252 detencións. A lei que regula esta figura excepcional estipula que, ao seu remate, "decaen" as medidas adoptadas polas autoridades para garantir o cumprimento das restricións "agás as que consistisen en sancións firmes"

Case todas as comunidades teñen xa abertos estas instalacións ou fixada unha data próxima para reabrir as súas portas, mentres o Goberno galego continúa sen aclarar se adiantará un regreso que nun principio estableceu para setembro.