Case 52.000 persoas foron sometidas aos tests desta primeira fase do estudo de seroprevalencia do Sergas, que está a dar unha cifra ínfima de positivos e que é posto en dúbida por profesionais sanitarios, que piden que se paralice.
Ademais do medio cento de positivos detectados por PCR, rexistráronse outros 111 mediante proba de anticorpos. Nas últimas 24 horas houbo dous novos falecementos, o que eleva a cifra total de mortes a 588. A ocupación hospitalaria segue a descender, cun total de 26 pacientes nas UCI.
A pesar de que a Xunta afirma que a partir deste venres xa non se aplican as franxas horarios para os paseos nos núcleos de menos de 5.000 habitantes, o Goberno galego non estableceu un criterio claro, mantendo a incógnita sobre a súa aplicación.
O Goberno galego establece medidas de hixiene contra o coronavirus e servizos mínimos e máximos nas liñas de transporte da súa competencia, e recoméndaas para os buses urbanos
Os templos non deben superar un terzo da súa capacidade e deben contar con servizos de orde para evitar aglomeracións. As dióceses galegas publican as normas que se deben seguir, facendo énfase na hixiene e na distancia social, mesmo nos confesionarios.
Un total de 1.162 membros dos cadros de persoal dos centros sanitarios galegos están actualmente afectados pola covid-19, segundo admite a Xunta. Tendo en conta os 262 positivos entre profesionais de residencias de maiores e outros 417 de residentes, só un terzo dos casos activos da pandemia que contabiliza o Sergas son de persoas alleas a centros sanitarios ou de maiores
Os casos da covid-19 detectados aumentan nun cento, pero só 37 deles mediante probas PCR; os "positivos activos" redúcense en 61 e os falecementos son catro máis, un deles dunha persoa que vivira nunha residencia de maiores
O presidente da Xunta carga con dureza contra o Executivo de Sánchez, ao que acusa de crear "confusión" coas cifras e de tomar decisións "indefendibles", e insiste en reclamar a "cogobernanza" durante o desconfinamento.
O Sergas cualifica de "baixa incidencia" a situación da pandemia en Galicia e pide que a cidadanía poida moverse por toda o país desde o luns e que a unidade territorial de referencia sexa a área sanitaria e non a provincia.