O número acumulado de positivos da covid-19 en Galicia aumenta en 239, das que 46 foron diagnosticadas mediante probas PCR e as restantes, cos test de anticorpos. As persoas falecidas a causa da pandemia en Galicia son xa 582; seis das nove mortes coñecidas nas últimas vinte e catro horas foron de persoas que vivían en residencias de maiores
O Goberno galego fai algunhas interpretacións flexibles do que permite o Ministerio de Sanidade e deixa outras en mans de concellos ou centros de menores
A presentación de solicitudes de admisión retomarase do 11 ao 18 de maio e o resto de trámites posteriores veranse reducidos á metade do tempo habitual. A adxudicación das prazas quedará en mans das xefaturas territoriais da Consellería de Educación e non das comisións de escolarización, que non se constituirán
A mudanza que o Ministerio de Sanidade vén de introducir na presentación de datos da covid-19, obtidos a través do Sergas, permite coñecer información como o número de positivos por test de anticorpos e recuperar o acumulado de casos como fío condutor da evolución da pandemia
Outro cambio do Ministerio na presentación dos datos da covid-19 que recibe das autonomías permite recuperar o total de positivos acumulados como fío da tendencia da pandemia en Galicia. Os falecementos son 4 máis, tres deles de persoas que viviran en residencias, e chegan a 573
A Consellería do Medio Rural repón a obriga de portar un documento que identifique a leira e o tipo de cultivo cinco días despois de que o Goberno central autorizase os desprazamentos sen ese requisito
Dende o inicio da crise da Covid-19, o noso país estivo sempre nunha situación mellor que a maior parte dos territorios do Estado, pero nas últimas dúas semanas o ritmo de descenso da cifra de casos de coronavirus en Galicia foi menor e, de feito, xa presenta unha incidencia maior que a media española
A Xunta remata esta semana a primeira vaga dun proceso con moitas dúbidas pola ínfima porcentaxe de positivos e ao que engadirá a mesma poboación que o Goberno central no seu estudo, que ten probas adicionais e máis fiables.
A Xunta asegurou nas últimas semanas estar en condicións de habilitar ata 400 postos de UCI, polo que podería superar o limiar esixido polo Ministerio. Mentres, Galicia disporía na actualidade dunhas 33 camas en funcionamento por cada 10.000 habitantes, cando o estipulado para erguer as restricións pola covid-19 é un mínimo de 37. A Consellería de Sanidade asegura, non obstante, estar en condicións de cumprir os requisitos se cómpre.
O descenso das emisións en Vigo foi do 64% e na Coruña do 59%, segundo un estudo de Ecoloxistas en Acción, e os datos son moi semellantes en Compostela e noutras urbes do país. A redución do uso do coche durante estas semanas tivo efectos inmediatos, que a entidade aposta por estender no tempo.