Acontece

O adiamento do inicio do curso do 4 ao 7 de setembro, que Política Social aprobou en agosto non foi dabondo para paliar os efectos do "movemento de persoal" derivado da asignación de prazas de oposicións dos últimos anos e de concursos de traslados atrasados durante lustros. A CIG advirte de que "non se pode garantir a atención adecuada en todos os centros" cando parte do persoal aínda non se incorporou e mesmo "quedan por adxudicar máis de 30 prazas de educadoras" nun acto de elección "que aínda non ten data"

Unha condena por conformidade constata que un alumno en transición de muller a home atentou á dignidade de compañeiras por entrar no baño cando se duchaban ou dicirlles "aí van as tetas máis bonitas" ou "todas as mulleres son unhas porcas"

Máis de 7.000 docentes están chamados a un paro entre as 9 e as 12 do primeiro día de curso nos centros privados sostidos con fondos públicos. Denuncian peores condicións laborais e salariais e o incumprimento de acordos pasados. 

Foi detido na praza das Atochas cando se dirixía ao Concello e posteriormente fusilado no Campo da Rata. Este sábado foi homenaxeado 90 anos despois da súa execución coa inauguración dunha placa na súa memoria na praza das Atochas. A xornada de memoria democrática comezou nos xardíns de Méndez Núñez cunha ofrenda floral ante o busto do alcalde Alfredo Suárez Ferrín, tamén executado hai 90 anos.

Eurostat mantén unha estatística de necesidades de calefacción e refrixeración nas vivendas de cada unha das rexións da UE. Nos últimos anos en Galicia baixou levemente o número de días nos que se necesita quentar a casa, pero duplicáronse as xornadas nas que cómpre arrefriala. En 2021, só o 6,5% das vivendas principais en Galicia contaba con algún sistema de refrixeración, fronte a unha media do 49,6% no conxunto de España.

O ditame do alto tribunal galego produciuse en xullo do ano pasado e a ratificación do Supremo chegou en febreiro deste ano, rexeitando os recursos do Goberno galego e da Confederación Hidrográfica do Miño-Sil. Porén, a veciñanza demandante asegura que non se tomou ningunha medida para "rematar coa degradación" do encoro

A maioría dos falecementos, case o 75%, corresponderon a mulleres, sobre todo de idade avanzada, as persoas que máis sofren o impacto das temperaturas cada vez máis extremas que provoca a crise climática.  

O vindeiro 10 de setembro, Día mundial da prevención do suicidio, volveremos falar das arredor de 300 persoas que se quitan a vida cada ano en Galicia. Casos coma o desta paciente de Vigo dan conta da incapacidade da sanidade pública galega para facer fronte ao risco de suicidio e para garantir unha axeitada atención á saúde mental