SEO/BirdLife divulga os logros dun exemplar de Puffinus mauretanicus, con menos de 3.000 parellas reprodutoras, na súa viaxe anual entre o Mediterráneo e a Bretaña pasando por Galicia
A Confederación Hidrográfica Miño-Sil principia o traslado destes exemplares, considerados especies vulnerables, como paso previo á reparación do caneiro da Acea de Olga e do antigo muíño que durante décadas acolleu un restaurante. Os mergulladores localizan os mexillóns e recóllenos "un por un". A continuación son trasladados en recipientes isotermos en lotes de 750 ata doce treitos do río augas abaixo
Hai algún tempo xa que o descenso da poboación da gaivota alertou ás organizacións ecoloxistas, persoas investigadoras e tamén á Administración, que ten en marcha un estudo para escudriñar por que o número de exemplares desta ave de tan mala prensa caeu máis dun 70% nos últimos 20 anos. Na asociación ecoloxista Amigas da Terra teñen claros os motivos. “A única explicación para o descenso tan brutal da poboación da gaivota é a gripe aviar”, indica Antón Lois, responsable de Educación Ambiental. Porén, os investigadores desbotan esta "hipótese fantástica".
O estudo relaciona a frecuencia dos ventos desta compoñente, fundamentais para o proceso de afloramento de augas frías e ricas en nutrintes, coa cantidade de semente de mexillón recollida e que sufriu un descenso moi importante entre 2012 e 2021. No último ano a produción de mexillón descendeu de forma moi importante en Galicia, pero a gran cantidade de mexilla que se está a recoller achegou tranquilidade ao sector de cara aos vindeiros meses.
Trátase do primeiro modelo lingüístico de Intelixencia Artificial para o galego, un paso histórico no marco do Proxecto Nós desenvolvido polo CiTIUS e o ILG da USC. Para o seu adestramento empregou un corpus de 2.100 millóns de palabras con achegas de editoriais, institucións públicas e medios coma Praza.gal
O Ministerio de Sanidade substitúe as provincias por 'meteozonas' máis específicas para activar as alertas por calor, dezaseis áreas no caso galego. O exceso de mortaldade atribuíble á calor en Galicia foi o segundo máis elevado do Estado en 2023, só por tras de Madrid. Nese verán rexistráronse máis dun cento de alertas por altas temperaturas no noso país
Un equipo de investigación liderado polo paleontólogo Edgard Camarós achou marcas de corte arredor de crecementos canceríxenos en dous cranios, "demostrando que a medicina exipcia antiga tamén estaba a realizar tratamentos experimentais ou exploracións médicas en relación co cancro", din os autores, que destacan que o achado achega "unha nova perspectiva na nosa comprensión da historia da medicina"