Cultura

A Xunta decidiu volver incoar o procedemento para declarar BIC o elemento máis recoñecible da antiga central térmica, de 356 metros de altura e que chegou a ser a máis alta de Europa. O primeiro proceso caducou o pasado ano ao non completarse no prazo fixado pola lei. A Plataforma en Defensa do Patrimonio Industrial amosa a súa "satisfacción"

'Fábrica de fume' é unha obra de teatro comuntario, dirixida por Ana Fontenla e Celina Fernández Ponte, que se representa os vindeiros domingos no Salón Teatro de Santiago, unha coprodución co CDG e a FEGATEA

A editorial Hugin e Munin nace do profundo amor pola lectura do seu fundador, o tradutor e editor Alejandro Tobar, que quixo crearse unha alternativa laboral en Galicia para regresar da emigración e, á vez, aportar valor engadido á cultura propia. Xunto á tradutora e crítica literaria Isabel Soto forma equipo desde Compostela cun catálogo que xa supera os 130 libros traducidos ao galego desde 2011. 

Hibernarse é o título da nova canción do dúo, que dende este xoves pode escoitarse nas plataformas dixitais. É o primeiro avance dun EP do mesmo título, que ata o vindeiro 10 de abril irá dando a coñecer cada semana un novo tema

Verónica Estay Stange participou nas xornadas 'Memoria Democrática, Feminista, Laboral' que acompañan a exposición de Mar Caldas 'Mulleres, traballo e memoria' no CGAC, en Santiago. Filla de sobreviventes da ditadura de Chile e sobriña dun criminal colaborador da ditadura, a docente na Universidade de París Cité centrou a súa conferencia na posmemoria e a súa presenza na cultura visual

A fotoxornalista catalá Anna Turbau finou este mércores aos 76 anos de idade. Ela colocou no mapa a realidade do poboado xitano do Vao, retratou as persoas ingresadas no hospital psiquiátrico de Conxo, acompañou as grandes manifestacións do naval en Vigo e, en definitiva, retratou as loitas e a alma de Galicia nos anos da Transición

O programa 'A cultura é un dereito' da Deputación da Coruña xunta voces expertas da música, o dereito e os arquivos nas xornadas 'Traducir a tradición'. As xornadas, que culminarán coa presentación do 'Cancioneiro galego serodio' de Xabier Díaz, teñen as inscricións abertas ata este 18 de marzo

Eros, o documental de de Rachel Daisy Ellis sobre os "moteis do amor" en Brasil, fíxose co Premio AGANTRO á excelencia antropolóxica na Mostra Internacional de Cinema Etnográfico do Museo do Pobo Galego. O Premio MICE ao Mellor filme galego foi para Corre o vento, unha peza de Paula Fuentes e Guillermo Cabrera que nos conduce até Vilar do Courel, unha pequena aldea que leva décadas resistíndose á desaparición.

Rapa partía como unha das favoritas da noite, con 18 candidaturas, e foi a obra máis premiada nunha gala en que a cultura tamén berrou alto e claro “Altri Non”no Lalín Arena. A serie dirixida por Jorge Coira e Javier Cámara fíxose con 11 galardóns na noite do audiovisual galego. Entre eles, mellor serie de televisión- por terceiro ano consecutivo-, mellor guión para os tamén creadores da serie Pepe Coira e Fran Araújo e mellor dirección, para Jorge Coira e Javier Cámara.

Isabel Risco volve vestir o traxe de superheroína no espectáculo As Aventuras de Nabiza Girl. O estraño caso da Cultura Minguante, co que está de xira polo país. A Nabiza Girl xa viviu varias vidas fóra dos escenarios, agora regresa ao carón do público para loitar polo seu compromiso coa igualdade e co galego. Este 14 de marzo o espectáculo chega ao Centro Ágora da Coruña, estará en Barbadás o día 28 e en Muros o 5 de abril