'Mulleres que viven xuntas', de Abril Camino; 'Erin e o lobo', de Érica Esmorís; e 'O corvo sobre a neve', de Andrea Maceiras resultaron gañadoras dos Premios Xerais, aos que este ano se presentaron 121 orixinais, o dato de participación máis alto das últimas edicións
Xavier Queipo entrevista o escritor tudense Diego Alfonsín, que o pasado 8 de maio presentou no espazo cultural RioLagares de Vigo a súa última novela, Birken (Galaxia). "Escribir axuda a descubrir que pensamos sobre certas cousas, aínda que tamén existe a posibilidade de que unha vez que o escribamos non esteamos dacordo, o que tampouco me parecería un problema, pois a literatura non vai de ter ou non ter razón", di o autor.
Este mércores 28 de maio o Pazo da Cultura de Pontevedra acolle un ano máis a gala de entrega dos galardóns, nos que as cantareiras serán protagonistas a través do Premio Honorífico a Leilía que entrega Músicas ao Vivo. 19 categorías recoñecen o mellor do ano na escena do país e ás salas, festivais e medios de comunicación que axudan ao desenvolvemento do sector.
Os datos do IGE amosan que galegos e galegas len cada vez menos, especialmente entre as novas xeracións, nas que se adivrte unha importante diferenza: o 68% dos nenos e nenas de 5 a 14 anos cuxas nais e pais son lectores, len tamén de forma habitual; en cambio, dos nenos e nenas da mesma idade que medran en familias non lectoras apenas o 40,6% le habitualmente, unha diferenza de 27 puntos.
'Antes de nós' xa está nas salas de cine de toda Galicia. Dirixida por Ángeles Huerta con guión de Pepe Coira, achégase a dous momentos da vida de Castelao e Virxinia Pereira, interpretados por Xoán Fórneas e Cris Iglesias. "Esta é unha película que está en proceso de secularizar a Castelao", salienta a cineasta
A iniciativa dinamizadora impulsada desde o IES Rafael Dieste organiza a segunda edición dun certame gratuíto de música en galego que reuniu preto de 5.000 persoas o pasado ano.
Este martes bota a andar unha nova edición do Festival de Cans. O certame audiovisual chega á súa XXII edición cunha programación na que o cine e a música van da man, manténdose fiel á súa esencia e co antimilitarismo, memoria e despoboamento como temas centrais. Dende este martes e ata o domingo haberá moitas e moitos protagonistas nesta aldea do Porriño, que un ano máis recibirá milleiros de persoas de todo o país. Entre eles destaca o nome de Alfonso Zarauza, Premio Pedigree deste ano
O certame de improvisación oral xa ten gañadores e gañadoras nas súas distintas categorías. Un milleiro de persoas asistiron no Auditorio de Galicia á gala da edición 2025, que volveu bater récords de participación.
Legado Activo Beiras Cal promove o envío dun exemplar do Alba de Groria á axencia cultural da ONU co gallo do día que dedica á diversidade cultural canda un manuscrito das nenas e nenos do CEIP Antía Cal na defensa da escola rural e do galego
Desde que o grupo vigués Vasco Gallega se fixera coa propiedade en 2004 o mosteiro foise abrindo aos poucos ao público, con visitas guiadas e pequenos eventos culturais, mentres avanzaba lentamente a tramitación para convertelo nun hotel con spa. A propiedade prevé, por fin, comezar as obras en setembro, cun prazo de execución de ano e medio.
A Academia celebra en Malpica un Día das Letras que "celebra o pasado e mira ao futuro": "O tradicional é moderno", proclama a institución, que reclama unha "reformulación a fondo da política lingüística". "Precisamos mensaxes de entusiasmo acompañadas de compromisos tanxibles", "precisamos saír de vez do bucle interminable das polémicas estériles, resalta o presidente da RAG, Henrique Monteagudo. Do que se trata ao cabo, resalta, é de poder "vivir tranquila e plenamente" en galego, "con alegría e sen limitacións"