'Romería' explora a viaxe que a cineasta Carla Simón emprendeu con dezaoito anos para coñecer a súa familia paterna, á que forza a responder preguntas silenciadas e enterradas. Estréase o 5 de setembro
O 3 de setembro de 1950 comezou a emitirse en Montevideo Sempre en Galicia, o espazo radiofónico estable en galego máis antigo. Hoxe celebra o seu 75 aniversario e faino mantendo a mensaxe e obxectivos iniciais de difusión e dignificación da lingua e cultura entre a diáspora. Todos os domingos en Radio Oriental, agora da man de Toni Seárez.
A mostra 'A sweaty dispersal into the fog', da artista boirense Andrea Davila, pode visitarse na Galería Néboa de Lugo ata o 12 de setembro
A entidade sadense, que solicitou o acceso ao documento como parte interesada no proceso ao ter presentado alegacións, denuncia que non obtivo resposta por parte da Consellería de Cultura. Critica o cambio de nome do Museo, que pasa a incluír Sargadelos, a falta de protección de parte do inventario e da totalidade do complexo do Castro
Llúcia Garcia Torras e Mitch son os protagonistas de 'Romería', a película de Carla Simón coa que pecha a triloxía sobre a súa historia familiar que comezou con 'Estiu 1993' e 'Alcarràs', coas que gañou o Goya á mellor dirección novel e o Oso de Ouro do Festival de Berlín. 'Romería' chega ás salas de cinema o 5 de setembro e tivo a súa preestrea en Vigo
Ánxela Lema París é doutora en Estudos Literarios e de Xénero e participa no Grupo de Investigación Lingüística e Literaria Galega (ILLA) da Universidade da Coruña. Xunto a Ana M. Amigo-Ventureira, que xa era unha referente para ela nas cuestións da memoria bisexual, coordina o libro colectivo Insubmisión ambigua. Voces e relatos alén da monosexualidade, editado por Xerais, no que participan Sara Villar Aira, Patricia Freire, O Rabelo, Daniel Gutiérrez, María Reimóndez, Lucía González Castro, Nuria Vil, Mario Regueira, Almudena González, Bel, A., Ana Luna, Kaia Baena Mínguez, Estrela Rivas, Ártemis López, Éric Dopazo, Aranxa Vicens, Bea Saiáns e Nelu Vermouth
O Castelo Conta é un festival que comparte saberes e que organiza actividades verdadeiramente interxeracionais. Dez días de cultura e comunidade, do 22 ao 31 de agosto, nesta aldea de Culleredo que xa é referente para todo o país
O festival, que inclúe un certame de curtametraxes, un concurso de cómic e actividade para crianzas (Pequefreak), celebrarase entre o 19 e o 27 de setembro no C.C. Plaza Elíptica de Vigo. Young Frankenstein, Bride of Re-Animator, X: The Man with the X-Ray Eyes e The Rocky Horror Picture Show encabezan unha programación dedicada ao arquetipo do 'Mad Doctor'.
Amorodios é un lugar de encontro e unha meta, é un proxecto musical pero que vai máis alá porque influencia as vidas dos seus participantes. É unha xanela aberta á experimentación dende o jazz e o enfoque da música tradicional galega, é a primeira vez que o músico cangués Xan Campos compón letras para acompañar as súas músicas. Tamén é a primeira vez que Faia Díaz canta ‘cancións’ con base de jazz. E en setembro será a primeira vez que os dous artistas, xunto aos músicos Virxilio da Silva e Iago Fernández, entren nun estudio de gravación para darlle forma ao que será o primeiro álbum do proxecto. Mais antes, o vindeiro luns 18 de agosto, o cuarteto actuará en Cedeira no marco de Festival Jazz de Ría
Os galegos asentados nos Estados Unidos adoitan ser galegofalantes, mais estudaron o castelán nas escolas dunha sociedade diglósica. Este substrato lingüístico, ao entrar en contacto co inglés, dá lugar a unha serie de realizacións na fala que xa Castelao documentou en 1930.
A artista coruñesa Julia Abalde é a segunda gañadora do Premio Autobán ao mellor fanzine galego con 'La ilusión', unha obra centrada no que pasa despois dunha ruptura amorosa na que combina poesía e ilustración