O percorrido de Oliver Laxe con Sirât é dun éxito innegable que sorprende porque están a ser moitas primeiras veces con esta película. No camiño aos Oscar, con moitas outras galas de premios importantes antes do 15 de marzo, analizamos con Lucía Veiga, Alfonso Blanco, Nati Juncal e Pela del Álamo o que significa este filme para o audiovisual galego
Ao longo de todo o mes de febreiro e ata o 21 de marzo proxectaranse nos Cines Códax de Lugo todos os filmes finalistas nos Mestre Mateo e haberá coloquios cos equipos que os fixeron posible. A Academia Galega do Audiovisual incrementa a participación do público en todas as actividades que celebran a creación audiovisual do país
A veciñanza volveu coller cartolinas e rotuladores para escribir pancartas con mensaxes inspiradas naquela época. A estrea oficial terá lugar este xoves 29 de xaneiro na Filmoteca de Galicia, na Coruña. A película poderá verse tamén o sábado 31 en Numax (Santiago) e o domingo 1 de febreiro nos cines Codex (Lugo).
As Letras Galegas celebran este ano á xornalista, activista feminista e escritora Begoña Caamaño. Unha viguesa comprometida cunha visión do mundo, que aplicou dende o persoal e o profesional ata que o cancro llo impediu. Unha muller que acreditaba na amizade como motor de todas as cousas, así como no colectivo como a ferramenta máis poderosa ao noso alcance como sociedade. Esta Begoña Caamaño é a que contan Eva Mejuto e Beatriz Maceda en Os fíos de Begoña e Begoña ou o pracer da amizade, que edita Xerais e xa están nas librarías
O vindeiro 15 de marzo coñecerase se a película dirixida por Óliver Laxe acada algúns dos galardóns. Terá a dura competencia da brasileira O Agente Secreto (Kleber Mendonça Filho) e a norueguesa Affeksjonsverdi (Valor sentimental, de Joachim Trier). No apartados de mellor son Amanda Villavieja, Lola Casanovas e Yasmina Praderas acadaron o fito de converterse no primeiro equipo exclusivamente feminino en ser candidato nesta categoría
A edición deste ano do certame bateu o seu récord de participación, con 126 canles fronte ás 89 da edición anterior. A gala de entrega terá lugar no Teatro Jofre de Ferrol o vindeiro 7 de febreiro e será presentada por Carlos Vieito e Leila Fernández.
A Área de Lingua da Deputación da Coruña ultima a súa rede de grupos de conversa en lingua galega. O proxecto procura crear "contornas seguras" onde persoas que "por falta de apoio na súa contorna ou por estaren aínda en proceso de aprendizaxe" precisan "recuperar a confianza no uso do galego fóra de contextos formais ou académicos"
No décimo aniversario do pasamento de Xosé Neira Vilas, Memorias dun neno labrego regresa aos escenarios nunha nova versión da man de Cándido Pazó. A obra conta cun elenco formado por Xúlio Abonjo, Mónica García, Santi Romay, Manuel Cortés, Ana Santos, Federico Pérez Rey e Iris Darriba, e coa música orixinal de Xosé Lois Romero
A proposta de Sánchez para que Euskadi e Catalunya, pero non Galicia, entren na Unesco xa foi criticada por Consello da Cultura, RAG e fundacións literarias, pero a Xunta considera que non é unha prioridade
A nova entidade, formada por entidades culturais e sociais e coordinada por Iria-Friné Rivera Vázquez, denuncia "o estado de conservación do espazo, as obras da colección e a documentación, a ausencia de actividade e de programación fiel aos principios cos que foi creado e o nulo interese en que funcione como o que é".