Cultura

O intelectual finou en Vigo aos 97 anos de idade. Catedrático da USC e presidente da RAG entre 2013 e 2017, destacou dende os anos 60 con obras de sociolingüistica como O porvir da lingua galega (1968) ou o Informe -dramático- sobre la lengua gallega (1973), que alertaban da perda de falantes. Afiliouse en 1962 ao Partido Comunista, unha militancia marxista que nunca abandonou e unha visión de clase que marcou o seu traballo noutras áreas.

O coreógráfo coruñés Javier Martín presenta no Centro Galego de Arte Contemporánea o proxecto [ RÆM ], "unha peza que reflexiona sobre a materia do soño como un estado de conciencia ampliado". Realizará dúas performances de longa duración este martes 11 e o mércores 12 de febreiro en dous pases, de mañá e de tarde

A compañía destaca que o "detonante" da creación de Ictus, que se estrea o 20 de febreiro en Santiago, foi o acto de recepción do cadro de Castelao que organizou o goberno galego en outubro do 2018 no que o ex-presidente provocou a indignación cunha intervención na que obviou o significado da pintura, os asasinatos dos golpistas ou a execución de Bóveda.

"Regresamos ao pracer da lectura, que con Begoña Caamaño é tan intenso coma o pracer do azul que agardaba volver gozar a súa Penélope", salientou o presidente da Academia, Henrique Monteagudo, na presentación da programación das Letras Galegas

Os días 21 e 22 de febreiro o Festival Rosalía conmemora o 189º aniversario do nacemento de Rosalía de Castro dende Compostela cunha vintena de actividades 

No ano 1992 a veciñanza da Fonsagrada saíu á rúa a protestar, nunha longa e intensa mobilización coñecida como As Movidas. O documental 360 curvas , dirixido por Alejandro Gándara Porteiro e Ariadna Silva Fernández, recupera esa loita e consegue traela ata o presente e conectala con outras mobilizacións. Falamos con eles

"O poder nunca tivo tantos recursos para controlar os comportamentos coma hoxe", destaca o historiador Abel de Lorenzo, investigador da Universidade de Santiago de Compostela, que publica o libro La horca y el fuego. Una historia social de la pena de muerte en Hispania (700-1200)

Este sábado preséntase en Palas de Rei unha acción artística colectiva ligada á mobilización social na comarca contra a macrocelulosa. Realizada co apoio de Concomitentes e mediada por Ana Moure e Ana Escariz, con quen falamos, é unha reivindicación dos valores do medio natural e dos saberes da comunidade e busca, ademais, "celebrar as vitorias" do movemento.

A película de Ángeles Huerta sobre Castelao encabeza as candidaturas, con 18. As producións de Oliver Laxe e de Anxos Fazáns suman 11 opcións de premio cada unha. Os galardóns entregaranse o día 21 de marzo en Lugo, nun espectáculo presentado por Trisha Fernández e Federico Pérez.

Dende o pasado venres e ata o 17 de maio o MARCO de Vigo expón Un país ilustrado. As cubertas de Galaxia, unha mostra comisariada por Xurxo Martínez González e co deseño e coordinación editorial de Hayat Husein que afonda no traballo dos cinco deseñadores da editorial dende 1950: Xaime Isla Couto, Xohán Ledo, Francisco Mantecón, Manuel Janeiro e Hayat Husein. O proxecto inclúe actividades complementarias, como roteiros pola cidade e visitas guiadas.